DARALO 119:10 - WUKE SUSI WATTI'U AL᷊AL᷊USASSA

¹⁰ Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

DARALO 119:10 Referans Kwoze

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

DARALO 23:3

I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.

2 TAWARIKH 15:15

Tumana'u Yehuda sarangkanambone lulluassa ana waugu i mangitou buatte na'ola'a paaire udde ringannu ahewallu naungnge. I mangitou mal᷊uassa maddalo Mawu, wuṛṛu Mawu lai mal᷊uassa manengkamma si mangitou. I tou nangonggolu atatammudda su leta'i mangitou.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

DARALO 119:133

Tohassawe lempangku erelai buatte nipa'ire-Nu, ariewe pabbala'a i ya'u tataṛṛinoannu al᷊al᷊eo.

AMSAL 21:16

Taumata apan tawe tumuṛṛutta su lal᷊annu pabbiaṛṛannu taumata mapia, i tou sarun ma'oma su runian taumata nate.

DARALO 119:118

I'o napawelengu taumata apan sinumewadda wuassu raṛawen-Nu, tawe gunane wawahian mangitou.

DARALO 119:21

I'o nanagu taumata apan mawunga, wuṛṛu namontoga taumata apan sinumewadda wuassu parenta-Nu.

KOLOSE 3:22

Manga tuṛṛangnga apan naola'a allangnga! Sulal᷊ummu al᷊awo'u inolaanna, ṛinone i yamiu matuṛṛuta mawunu su runia indi. Arie tumuṛṛutta si mangitou tumba'u su tempo i mangitou uariaga si yamiu, ana waugu i yamiu maapulu raloanna. Paatuṛṛuta si mangitou ringannu naungnga waresi, ana waugu i yamiu mangngaddatta Mawu.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

AMSAL 2:13

I mangitou maddiri mallaṛṛenggenna lal᷊annu pabbiaṛṛanna apan suṛṛinone; i mangitou niumamatta su lal᷊anna apan marandumma wuṛṛu napenen dosa.

DARALO 125:5

Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!

DARALO 78:37

I mangitou tawe tumuṛutta si Tou, wuṛṛu tawe uaagassa su paaire-Ne.

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”

1 YOHANES 2:15

Ariete mandangngu runia indi, ara'e al᷊awo'u sarannapa apan sulal᷊ummu runia indi. Amungkangngu i yamiu mandangngu runia, i yamiu tawe mandangngu Iamangnga.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.

DARALO 119:69

Taumata mawunga mallobbosa si ya'u, arawe i ya'u ringannu ahewallu naungnga tuttuṛṛutta parenta-Nu.

DARALO 119:58

Ringannu ahewallu naungnga i ya'u sumal᷊ande darangngu-Nu, akkanaawe i ya'u uasul᷊ungngu paaire-Nu.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.