DARALO 118:7 - WUKE SUSI WATTI'U AL᷊AL᷊USASSA

⁷ Mawu uarundinganna si ya'u tadea'u mantul᷊ungku, i ya'u sarun mabbiala see'u iawaddo.

DARALO 118:7 Referans Kwoze

DARALO 59:10

Ete I'o atatoha'u, i ya'u uaantimma Si'o, I'o tampa tatal᷊angangku, oh Ruata.

DARALO 54:4

Daringiṛṛewe darorongku, oh Ruata, antimanna I'o maddaringikka manga wisara'u.

DARALO 54:7

I Tou sarun makkuumannu see'u ringannu al᷊al᷊eon mangitou sassane, wuṛṛu mamate si mangitou ana waugu i Tou marangngu si ya'u.

DARALO 55:18

Allo ṛabbi i ya'u sussal᷊iomanna wuṛṛu lulluai, wuṛṛu i Tou naddaringikka tingi'u.

DARALO 112:8

I Tou tawe suminggawanga ara'e mata'utta, ana waugu mangngimanna seenne sarun iawaddo.

DARALO 92:11

I'o na'ola'a si ya'u atohassu bantenga lul᷊u, wuṛṛu nangal᷊amatta si ya'u ringannu lal᷊umanna'a.

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

DARALO 54:6

Arawe Ruata uddewe matatul᷊ungku; Mawu uddewe mananahe'u.

DARALO 59:11

Ana waugu apapia-Nu Ruata'u nirumanta ringangku, I Tou namala'u nabbiala see'u niawaddo.

YESAYA 41:13

Ana waugu i Ya'u Mawu, Ruatanu, uapitaddu limanu aikkatanna; wisara-Nu, ‘Arie pa'ata'utta, i Ya'u sarun mantul᷊ungngu.’ ”