DARALO 118:6 - WUKE SUSI WATTI'U AL᷊AL᷊USASSA

⁶ I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.

DARALO 118:6 Referans Kwoze

IBRANI 13:6

Ana waugu udde i ite waṛṛani mabbisara, “Eteudde Mawu Matatul᷊ungku, i ya'u tawe matta'utta. Apa apan wotongnge olaannu taumata su saruangku?”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

DARALO 56:4

Sutempo i ya'u matta'utta, i ya'u uaantimma Si'o.

DARALO 56:11

I ya'u maddalo Mawu Ruata, ana waugu apa apan buatte nipa'ire-Ne.

DARALO 56:9

I'o mandeengngu manga allo i ya'u mammal᷊intadda, wuṛṛu masingkattu anambon allon mata'u; Apa I'o tawe mandeengnga?

YEREMIA 20:11

Arawe I'o, oh Mawu, uasamba'a si ya'u; I'o lembon matohassa wuṛṛu ma'uatta. I mangitou mangngenggenna wuṛṛu mangngallangnga si ya'u sarun manawo wuṛṛu tawe maailore. I mangitou sarun masili sarangkal᷊o'enge, tate nariaddi anambon hol᷊agi mangitou. Hahelo mangitou udde sidutu sarun nanaunganna.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 146:5

Lal᷊umanna'a su taumata apan mangngasakku Mawu Ruatane, wuṛṛu uatahuanna Ruatan Yakub matatul᷊ungnge.

DARALO 46:1

Daralon ṛuanganni Korah. Su piaṛa'u mangangantari. Ringannu ronsin Alamot.

1 SAMUEL 17:11

Napawe i Saul wuṛṛu manga taumatane naaringikka wawansaga udde, i mangitou niṛṛumoro nabbal᷊i matta'utta.

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

DARALO 56:5

I ya'u maddalo Ruata ana waugu apa apan nipa'ire-Ne; i ya'u mangngimanna si Tou, ne i ya'u tawe mata'utta, taumata tawe ikkanne su saruangku.

DARALO 56:10

Su allo i ya'u sussal᷊ande Si'o, seetta sarun limbuaṛṛanna, ana waugu i ya'u masingkatta Ruata uasamba'a si ya'u.

DARALO 56:12

I ya'u mangngimanna si Tou, ne i ya'u tawe mata'utta, taumata tawe maal᷊ore su saruangku.

DARALO 94:16

Isai mangambanga si ya'u su saruannu taumata lal᷊eo? Isai apan manamba'a si ya'u su saruannu taumata inolaanne lal᷊eo?

DARALO 112:8

I Tou tawe suminggawanga ara'e mata'utta, ana waugu mangngimanna seenne sarun iawaddo.