DARALO 118:27 - WUKE SUSI WATTI'U AL᷊AL᷊USASSA

²⁷ Mawu uddewe Ruata, i Tou naungnge masaṛṛionto'a si ite. Inaite amatte suadio'a ringannu rannan kalu aagasanna, wuṛṛu pamal᷊iwutte mezbah Mawu.

DARALO 118:27 Referans Kwoze

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

DARALO 18:28

Taumata apan naungnge mawawo I'o nanal᷊amatta, arawe taumata mawunga niapasuṛṛubawa-Nu.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

ESTER 8:16

Taumatan Yahudi naapendamma matamudda wuṛṛu mal᷊uassa, mal᷊angnganna wuṛṛu lullala'a.

DARALO 37:6

I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

SASABANGNGA 38:2

Su al᷊awo'u wuune al᷊iu rosone niolaanna tatandu'a apan uaṛṛaiddu mezbah udde. Sarangkahewalle nioosannu witu'a.

SASABANGNGA 27:2

Suapan buune al᷊iurosone ṛinone olanna manga tatandu'a apan uaṛṛaidda sambau ringannu mezbah. Sarangkanambone ṛinone oosannu witu'a.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

1 TAWARIKH 29:21

Allo manansunna i mangitou naṛṛatate winatangnga ionggola maola'a sasamba su Mawu, ana see tinahia su anambon tumanangnge. Waine wua'udde lai pia 1.000 sapi esakka, 1.000 domba esakka wuṛṛu 1.000 domba saṛṛen tumuwo apan niṛṛata wuṛṛu nitambunna su wowon mezbah. I mangitou lai nangonggolu anggore apan ṛinone iapidda su manga sasamba udde.

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.