DARALO 116:1 - WUKE SUSI WATTI'U AL᷊AL᷊USASSA

¹ I ya'u mandangngu Mawu, ana waugu i Tou naddaringikka si ya'u wuṛṛu nangutungu darorongku.

DARALO 116:1 Referans Kwoze

1 YOHANES 4:19

I ite mandangngu, ana waugu Ruata doronete nandangngu si ite.

YOHANES 16:24

Na'oman sara orassa indi yamiu taambe nadorongnga manga apa sulal᷊ummu arang-Ku. Padorongke, ne i yamiu sarun manengkamma, tadea'u al᷊al᷊uannu udde masuungnga.”

MARKUS 12:33

Wuṛṛu ṛinone taumata mandangngu Ruata ringannu ahewallu naungnge, wuṛṛu ringannu anambon ṛingiṛṛanne see lai ringannu anambon auatanne. Wuṛṛu i tou lai ṛinone umakkannu sansul᷊ungnge ere lai ririne sassane. Udde mappianne wuassu mangngonggolu sasamba itatambunna wuṛṛu manga sasamba waine su Ruata.”

DARALO 69:33

Naasilo udde, taumata niallangnga lulluassa, taumata apan massubba Ruata naungnge wahewalla.

DARALO 40:1

Su piaṛa'u mangangantari. Daralon Daud.

DARALO 119:132

Panailete si ya'u wuṛṛu akkanaawe i ya'u, ere lai I'o umakkannu taumata apan marangngu Si'o.

PANDARIADDI 35:2

Ana see i Yakub nabbisara su amonanne wuṛṛu su anambon taumata apan suadio'a ringanni tou, “I ite inaite wua isindi mabatukku Betel. Isudde i ya'u sarun mapararisikku mezbahu Duata apan buatte nantul᷊ungku su tempon asasusa'u wuṛṛu apan buatte nallu'adda su al᷊o'engngu amatangku. Nariaddi rammea'e paal᷊uannu manga monganna apan sasahipunannu; pa'ola'e lal᷊aghun pamamaresi wadangnga wuṛṛu palluṛṛeten laubba waresi.”

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

1 SAMUEL 1:26

I Hana nabbisara si Eli, “Madorongnga ampungnga, Papa. I Papa ta'e ma'anaungnga si ya'u? I ya'u indi wawine apan su paassa niasiloanni Papa uarisikka isindi, tantal᷊anna u'al᷊iomanna su Mawu.

REENGANNA 21:3

Mawu nanengkamma darorongngu taumatan Israel wuṛṛu nantul᷊ungngi mangitou namaddon taumatan Kanaan. Ne taumatan Israel namate manga taumatan Kanaan udde see manga soan mangitou, ana see tampa udde nissago mangitou Horma.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

DARALO 28:6

Dalo su Mawu, ana waugu i Tou buatte naddaringikka darorongku.

YESAYA 38:15

Apate apan sarun ta'u iwisara? Indi inolaannu Mawu; i ya'u tawe ma'atiilla ana waugu massusa.

LAL᷊ALLU 3:56

I ya'u maddorongnga ringannu atonna ariewe manappingnga tal᷊inga-Nu su saruannu darorongku tadea'u I'o mantul᷊ungku. Ne aal᷊iomangku niraringiṛṛan-Nu, wuṛṛu I'o nirumanta nangundani'u; I'o nabbisara, ‘Arie passinggawanga.’

YUNUS 2:3

Watukku tampa apan mal᷊al᷊umma i ya'u niwareta-Nu, naddatingngu ṛanassu tahal᷊oangnga. Poiaroddi saggan tahal᷊oangnga uapaliwutta si ya'u, lua'a wuṛṛu tandi'a mangke mallombo'u.