DARALO 115:4 - WUKE SUSI WATTI'U AL᷊AL᷊USASSA

⁴ Paal᷊uanni mangitou wuassu wul᷊awanna wuṛṛu sal᷊a'a, nilanginnu liman taumata.

DARALO 115:4 Referans Kwoze

TAHIUL᷊E 4:28

Isudde i yamiu sarun mattaṛṛamawu su manga monganna apan niola'u liman taumata, manga monganna wuassu alu wuṛṛu watu apan tawe maasilo wuṛṛu maaringikka, tawe maanna wuṛṛu maasimbua.

YESAYA 44:10

Tawe gunane mallanginnu paal᷊uanna iwoso wuṛṛu masubba si tou naola'a monganna!

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

WATTI'U MANGA RASUL 19:35

Panginsueanne mamamoṛṛetu soa udde napaal᷊annabu awada'alla udde. I tou nabbisara, “Tumana'u Efesus! Al᷊awo'u taumata masingkatta manungku ete su Efesus soa apan mammadul᷊i wal᷊en Monganna Artemis wuṛṛu watu susi apan nanawo wuassu langitta.

HOSEA 8:6

Sapi wul᷊awanna apan sassubbanna su Samaria udde lanna'u lima taumatan Israel! Udde wal᷊ine Ruata, wuṛṛu rinone rimunsaanna!

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

2 MARARATU 19:18

Manga monganni mangitou lai tinutunga wuṛṛu nikkimunsa'a, ana waugu manga monganna udde tawe taṛṛinone sarangkadio'a. I mangitou tumba'u paal᷊uanna wuassu alu wuṛṛu watu niola'u taumata.

1 MARARATU 18:26

Ne i mangitou namile sambau sapi wuṛṛu nanaddiate. Wua'udde i mangitou niumal᷊iomanna si Baal wuassu marua allo naddatingngu allattune lapiddu mangngintul᷊i, “Simbakke si yami, Baal!” I mangitou ma'ola'a udde lapiddu massal᷊aingnga uapal᷊iwutta mezbah mangitou. Arawe tawe sasimbakka saran addio'a.

1 MARARATU 18:29

Etearoddi i mangitou tawe maddo na'oman sara wawallo ere taumata niintaṛṛoannu ṛimuudda. Arawe taweddu sinumimbakka, wuṛṛu taweddu maddaringikka.

2 TAWARIKH 32:19

I mangitou uahahatton ola'u Ruata apan sassubbanna su Yerusalem ere lai su ola'u manga mongannu walahanna waine, eteudde manga paal᷊uanna apan nilanginnu liman taumata.

YESAYA 44:9

Manga taumata apan nallanginnu paal᷊uanna sassubbanna udde tawe gunane, wuṛṛu manga monganna apan raddaloanni mangitou tawe mangal᷊ene. Manga taumata apan massubba paal᷊uanna udde wuta wuṛṛu waggan napa, ana waugu udde i mangitou sarun masili.

DANIEL 3:5

Napawe trompetta manungtingikka, tatantalongannu tingikku, wansi, kecapi, rebab, gambus, serdam, wuṛṛu manga tingikku musikka waine, manga tuṛṛangnga ṛinone umal᷊intudda massubba paal᷊uanna wul᷊awanna apan buatte niaparisikki Ratu Nebukadnezar.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.