DARALO 110:4 - WUKE SUSI WATTI'U AL᷊AL᷊USASSA

⁴ Ringannu sasalu Mawu buatte na'ire, i Tou tawe mangul᷊e apia, “Ete I'o imam sarangkal᷊o'engnge, ere i Melkisedek.”

DARALO 110:4 Referans Kwoze

IBRANI 7:17

Ana waugu sulal᷊ummu Wuke Susi niwisara, “I'o ewe'e sangkatou imam saran mal᷊annu-l᷊annu ere Imam Melkisedek.”

IBRANI 5:6

Su wageangnge waine Ruata nabbisara lai, “I'o uddewe Imam sara mal᷊annu-l᷊annu, naal᷊ihida Imam Melkisedek.”

IBRANI 7:21

Arawe Mawu Yesus nitenega maola'a imam, nappaattu sasalu, su tempo Ruata nabbisara si Tou, “Mawu suete nassalu, wuṛṛu i Tou sarun tawe mamal᷊u ṛingidde, ‘Ete I'o imam saran mal᷊annu-l᷊annu.’ ”

PANDARIADDI 14:18

I Melkisedek, ratun Salem apan uamanara lai imammu Mawu Ruata Apan Atanggaṛṛanne, uaapiddu roti wuṛṛu anggore ia'onggolla si Abram,

IBRANI 7:28

Titan agama Yahudi mappaatenegu taumata apan tawe nasuungnga maola'a imam bahewa. Arawe wuassu tita udde, Ruata na'ola'a pa'aire ringannu sasalu manungku i Tou mapaatenega maola'a sangkatou Imam Bahewa, Ana'a apan suete niola'a Ratum Punnu Sal᷊amatta apan nasuungnga saran mal᷊annu-l᷊annu.

IBRANI 7:11

Su al᷊ungngu piaṛṛa'u manga Imam Lewi, titan agama Yahudi nionggolla su taumatan Israel. Ana waugu manga Imam Lewi dorone udde tawe maaola'a ringannu masuungnga apa apan mammanaranne, ne ṛinone pia imam baine, eteudde apan ere Imam Melkisedek, wuṛṛu wal᷊ine lai wuassu wageangngu Imam Harun!

IBRANI 6:20

Mawu Yesus suete namu'a lal᷊anna watukku tampa udde si ite, wuṛṛu suete sinumutta poiaroddi naola'a Imam Bahewang kite sara mal᷊annu-l᷊annu, ere Imam Malkisedek.

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’

DARALO 132:11

Mawu buatte nassalu si Daud; i Tou tawe massinaaddu paaire-Ne. Wisara-Ne, “Sangkatou anangngu sarun Ta'u itenega ratu iapaparenta mallol᷊ossa si'o.