DARALO 110:2 - WUKE SUSI WATTI'U AL᷊AL᷊USASSA

² Wuassu Sion Mawu sarun manggewalla araratuannu; pamarentate manga seennu!

DARALO 110:2 Referans Kwoze

YEREMIA 48:17

Ei i yamiu manga araratuanna uaal᷊indongannu Moab apan masingkattu atatelengnge, lallal᷊oten tou! Wal᷊oa'a, ‘Moab tate lai uataṛṛino, awawantuga wuṛṛu atatohanne nawul᷊ite!’

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

YEHEZKIEL 47:1

Esakka udde nangapi'u apia watukku ngara suttanna su Wal᷊e Mawu. I ya'u naasilo ua'e mangngelekka wuassu al᷊ungngu ngara udde watukku ra'i, ere lai Wal᷊e Mawu uasaruanna watukku ra'i. Ua'e udde mangngelekka wuassu al᷊ungngu puan ngaran Bal᷊e Mawu samba'a timukka sinumabbi sandiṛṛannu timukka wuassu mezbah.

YEHEZKIEL 19:14

Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

DARALO 72:8

Araratuanne sarun mahewalla wuassu tahal᷊oangnga maddatingu tahal᷊oangnga, uawannada wuassu ra'i maddatingu waṛṛata.

SASABANGNGA 8:5

Mawu nabbisara si Musa, “Doloṛṛa'e i Harun mamal᷊aattu ta'inne su manga sal᷊ukka, manga enggesanne wuṛṛu manga li'u tadea'u manga aakka sumapputta wuṛṛu mamene leta'u Mesir.”

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

SASABANGNGA 7:19

Mawu nabbisara si Musa, “Doloṛṛa'e i Harun manganu ta'inne wuṛṛu wattea'a ire'e su anambon sal᷊ukka, manga enggesanne wuṛṛu manga li'u su Mesir. Ua'ene sarun mabbal᷊i daṛṛa, wuṛṛu su ahewallu wanua sarun pia daṛṛa, ewe'e lai sulal᷊ummu manga bowongnga alu wuṛṛu manga wensadda watu.”