DARALO 109:28 - WUKE SUSI WATTI'U AL᷊AL᷊USASSA

²⁸ Salaiwe i mangitou mantal᷊a'u, antimanna I'o mangal᷊amatta si ya'u. Salaiwe i mangitou dumarisikka, i mangitou sarun pansilianna; arawe antimanna i ya'u, allang-Ngu iapal᷊uassa.

DARALO 109:28 Referans Kwoze

REENGANNA 23:20

I ya'u nirolokka mangal᷊amatta; wuṛṛu amungkangngu Ruata mangal᷊amatta, tawe ta'u aul᷊eanna apia.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

DARALO 109:17

I Tou apulune mantal᷊a; wala'e i tou sassane aṛṛinoannu tatal᷊a! I Tou maddiri mangonggolu al᷊amatta, wala'e tawe al᷊amatta si tou!

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

REENGANNA 23:23

Tawe daroa apan maaṛṛino si Yakub tawe papasi'atta apan maal᷊ore su Israel. Su ola'u walahanna udde taumata sarun mabbisara, ‘Pa'ellega al᷊aṛṛindu'a apan niola'u Ruata!’

AMSAL 26:2

Naal᷊ihidda manu'u winalanganna tuttalla'a wuṛṛu mannalangnga su winalanganna, aroddi lai wawontoga tawe maṛṛino su taumata apan tawe sal᷊ane.