21 Arawe ontol᷊ewe i ya'u ere buatte nipa'ire-Nu, oh Mawu Ruata'u, sal᷊amatewe i ya'u ana waugu apapia wuṛṛu darangngu-Nu.
Arie pabbala'a i ya'u ielekku lua'u ṛuabba, wuṛṛu mawul᷊ussa su wantan tahal᷊oangnga ara'e ilabbinga sulal᷊ummu loṛṛangnga.
daringiṛṛewe i ya'u wuṛṛu pallosa'e i ya'u paal᷊ihakka. Ariaditewe si ya'u ere wowon batu tampa pattillumangku, naal᷊ihidda tanda'a watu apan matohassa, suapa i ya'u wotongnge masal᷊amatta.
Wala'ewe i ya'u ual᷊ellega Si'o su Wal᷊en-Nu, wuṛṛu ma'ellega atatohassa wuṛṛu awawantu-Gu.
Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.
Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.
Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.
I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.
Wala'e aranni mangitou pappasanna wuassu wuken taumata wiakka; wuṛṛu tawe uawoṛetta sulal᷊ummu arannu taumata matul᷊idda.
I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.