DARALO 107:7 - WUKE SUSI WATTI'U AL᷊AL᷊USASSA

⁷ I Tou nangehetta si mangitou niumamattu lal᷊anna matul᷊idda sutampa atatanaanna su soa.

DARALO 107:7 Referans Kwoze

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

DARALO 77:20

I'o u'amatta su lua'a, mammare tahal᷊oangnga, arawe wal᷊adda-Nu tawe asiloanna.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

DARALO 107:36

Manga taumata mal᷊unussa niapatanang-Nge poiaroddi; i mangitou napararisikku soa maola'a tatanaanni mangitou.

DARALO 107:4

Piaddu mammal᷊intaddu wadda'a mal᷊alangnga, wuṛṛu awagananna lal᷊anna watukku soa.

DARALO 78:52

Ana see i Tou namiaṛṛa'u al᷊aṛṛanang-Nge naal᷊ihidda ammul᷊annu domba, wuṛṛu nangehetta si mangitou niumamattu wadda'a.

NEHEMIA 11:3

Su manga soa waine, tumana'u Israel, manga imam, manga taumatan Lewi, manga mamanara Wal᷊en Mawu, wuṛṛu papapulunni mangangimben Salomo uatana'a su leta'a pussa'an mangitou wuṛṛu su manga soan mangitou sassane.

2 PETRUS 2:21

Mappianne manga taumata ereudde tawe saran paassa naasingkata lal᷊annu apapian Duata, wuassu i mangitou masingkata, arawe wua'udde maddiri tumuṛṛutta manga parenta apan nionggolu Ruata si mangitou.

YEREMIA 31:24

Taumata sarun matana'a su Yehuda wuṛṛu su manga ampungnge. Poiaroddi sarun pia mabbawailla wuṛṛu mamamadul᷊i winatangnga sapi wuṛṛu dombane.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

DARALO 136:16

Nipiaṛṛang-Nge al᷊aṛṛanang-Nge niumamatta su wadda'a; darangngu-Ne tawe panguddusanne.

REENGANNA 9:22

Su al᷊annune winabbawa udde su wowon Dasannu Mawu, tanne al᷊annune dua allo, sambul᷊anna, santonna ara'e lumebbe, al᷊annune udde lai i mangitou uatana'a su tampa udde. Amungkangngu winabbawa udde rumuitta, wakkute udde i mangitou mangingkatta.

YESAYA 32:18

Umattu Ruata sarun mapallossa wuassu asasusa wuṛṛu mabbiakka su tampa mal᷊annabba wuṛṛu mal᷊angnganna.