DARALO 107:43 - WUKE SUSI WATTI'U AL᷊AL᷊USASSA

⁴³ Antimanna taumata pande maṛṛingiddu anambon olangnge udde wuṛṛu manga'u manungku Mawu sidutu marangngu.

DARALO 107:43 Referans Kwoze

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

YEREMIA 9:12

I ya'u naiwal᷊o, “Mawu, anio wanua indi niwala maṛṛagassa wuṛṛu mamara ere wadda'u anne na'oman sara tateddu ummatta isudde? Apa piaddu lembon pande huna massunna sarangkanambone indi? Ete si sai I'o nangonggollu tal᷊aane tadea'u i tou wotongnge mamasingkatta su taumata waine?”

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

DANIEL 10:12

Wua'udde wisarane si ya'u, “Daniel, arie paata'utta. Ruata buatte naddaringikka aal᷊iomannu ro'en allo paarorone i'o nakkawessa tadea'u mapaawawon batangannu tadea'u maola'a pande. I ya'u nirumantate maola'a sasimbakku aal᷊iomannu.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

DARALO 28:5

I mangitou tawe mangareggan inolaannu Mawu, ara'e apa apan nimanara-Ne. Ne i Tou sarun makkuumanni mangitou, wuṛṛu mamate si mangitou saran mal᷊annu-l᷊annu.

YESAYA 42:20

Israel, manambo apan aellehannu, arawe i'o tawe manutukka, tal᷊inganu wawu'anna, arawe i'o tawe maddaringikka.”

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.