DARALO 104:3 - WUKE SUSI WATTI'U AL᷊AL᷊USASSA

³ wuṛṛu napararisikku Wal᷊en-Nu su wowon ua'e su winalanganna. Manga winabbawa niolang-Ngu kereta-Nu, I'o uasa'e papaiddu anginna.

DARALO 104:3 Referans Kwoze

AMOS 9:6

Mawu namangunna wal᷊e-Ne marau su winalanganna, su wowon dunia i Tou nantaingngu langitta maola'a sasirungnge, wuṛṛu ua'e wuassu tahal᷊oangnga nilal᷊in-Ne su ammaranne, apan na'ola'a sarangkanambone udde aran-Ne eteudde Mawu!

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

2 SAMUEL 22:11

I Tou tinumalla'a ringannu uasa'e mala'ekatta; i Tou tuttalla'a su wowon papaiddu anginna.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

DARALO 139:9

Napawe i ya'u tumalla'a malliu punnu ra'i ara'e mamanua su pondollu waṛṛatta apan arauenne,

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

DARALO 148:4

Paddalote si Tou, ei langitta apan atanggaṛṛanne, paddalote si Tou, ei ua'e su wowon langitta!