DARALO 104:21 - WUKE SUSI WATTI'U AL᷊AL᷊USASSA

²¹ Manga singa saṛṛen tumuwo mammiṛonganna maddea'a wiakke, maddorongnga anna apan buatte nisaddian Duata.

DARALO 104:21 Referans Kwoze

AYUB 38:39

Wotongngewe i'o lumul᷊u inassu manga singa wuṛṛu mapal᷊aiddu tiannu manga anangnge,

YOEL 1:20

Ewe'e lai manga winatangnga mal᷊aṛṛaga su mahurangnge sussal᷊ande Si'o maddorongnga sasumbala. I mangitou tawe mapangulen ararou, ana waugu manga sal᷊ukka mangke natti abbi ua'ene.

DARALO 34:10

Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

YOEL 2:22

Ei manga winatangnga, ariete masusa. Manga wadda'u nannal᷊o orassa indi nangelompe. Ringannu nabelle'a manga aaluanna nabbua, wuan anggore wuṛṛu ara mangke pia serege.

AMOS 3:4

Apa singa su mahurangnge mammassingnga, amungkangngu i tou taambe naasomba inassa? Apa ana'u singa mammasingnga sulal᷊ummu loṛṛangnge amungkangngu i tou taambe naasametta manga apa?

YOEL 1:18

Winatangnga papadul᷊iananna mammiṛṛonganna wuṛṛu u'ambul᷊isadda; tate lai wadda'u nannal᷊o si tou. Ammul᷊annu domba lai ringanna naṛṛasa.

YESAYA 31:4

Mawu nabbisara si ya'u, “Naal᷊ihidda singa sussaṛṛandanga mangngal᷊addu pabbawiakke wuṛṛu tawe apata'utannu aintul᷊i wuṛṛu a'uin ammul᷊annu mallal᷊u'adda winatangnga apan nasaddiate mando'appa si tou, aroddi lai i Ya'u sarun mamangalo wuṛṛu manahekku Wuiddu Sion.

DARALO 147:9

I Tou napaannu winatangnga, wuṛṛu su ana'u manu'a gagak apan sidutu sussio'a.

DARALO 145:15

Anambon riaddianna wiakka uaantimma Si'o; I'o mangonggolu anna si mangitou sutempone.

AYUB 38:41

Isai lai mantul᷊ungngu manu'a gagak apan niamal᷊unusanna wuṛṛu mangke lullalele maddea'a anna? Isai lai umontolla napawe al᷊aṛṛanangnge mangngintul᷊i si ya'u maddorongnga anna?