DARALO 103:4 - WUKE SUSI WATTI'U AL᷊AL᷊USASSA

⁴ i Tou apan namallossu niawanu wuassu labbinga, apan nangonggolla si'o ringannu darangngu wuṛṛu aakkanna.

DARALO 103:4 Referans Kwoze

DARALO 71:23

I ya'u lullala'a ringannu lulluassa, lapiddu mangngantarin daralo Si'o. Wadangku mangngantari ringannu lulluassa, ana waugu I'o buatte nanal᷊amatta si ya'u.

DARALO 56:13

I ya'u sarun manipussa paaire'u Si'o, oh Ruata, wuṛṛu mangonggolu sasamba adiangkamanna Si'o.

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

DARALO 8:5

apate taumata udde na'oman sara I'o mannaungnga si tou, isai i tou, na'oman sara I'o mappadul᷊i si tou?

DARALO 5:12

Antimanna anambon taumata apan uasirungnga Si'o lulluassa wuṛṛu hugion lal᷊uassa saran mal᷊annu-l᷊annu. Lu'arewe manga taumata apan marangngu Si'o, tadea'u i mangitou lumuassa ana waugu I'o.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

DARALO 34:22

Taumata lal᷊eo sarun mate ana waugu al᷊al᷊eone, taumata apan maddantinu taumata susi sarun iṛṛuumanna.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

DARALO 21:3

I'o buatte nangutungu apulun naungnge, wuṛṛu nangonggolu sarangkanambone apan niroronganne.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

DARALO 65:11

I'o napa'elekku ua'e su sasal᷊uṛṛannu pajekone wuṛṛu I'o namokka letangnge. I'o nanuwukka leta'a ringannu uranna, wuṛṛu rariagan-Nu lal᷊uwone tuttuwo masuwukka.

YESAYA 38:17

Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

YESAYA 54:8

Tumba'u tal᷊angkadio'a i Ya'u manantangngu ana waugu asasa'u-U apan bahewalla. Arawe ringannu darangngu tutune i Ya'u mandangngu si'o.” Ete aroddi wisaran Duata Mananal᷊amannu.