DARALO 103:17 - WUKE SUSI WATTI'U AL᷊AL᷊USASSA

¹⁷ Arawe Mawu sidutu mandangngu taumata ma'imanna, apapia-Ne sara maṛṛawa mappulunna

DARALO 103:17 Referans Kwoze

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

SASABANGNGA 20:6

Arawe i Ya'u mapal᷊iatta'u darangngu-U su ṛiwune papapulunnu manga taumata marangngu si Ya'u wuṛṛu matuṛṛutta tita-U.

ROMA 1:17

Ana waugu ringannu Watti'u Al᷊al᷊uassa udde Ruata napaal᷊iatta'a ereapa lal᷊anne paa'aukku taumata ringannu Ruata maola'a apia; lal᷊anne eteudde ringannu mangngimanna Ruata, wuassu panattaṛṛanne saran pangudusanne. Udde ere lai uawoṛṛetta sulal᷊ummu Wuke Susi, “Taumata apan mangngimanna Ruata ma'oman sara paa'aukka ringannu Ruata maola'a mapia, taumata udde sarun masal᷊amatta!”

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

DARALO 118:1

Paadiangkamante su Mawu ana waugu i Tou mapia, darangngu-Ne tawe panguddusanne.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

ROMA 15:8

Ana waugu, paanaunge, manungku Kristus suete nangimbe taumatan Yahudi tadea'u mapaal᷊iatta'a manungku Ruata atonna mannuungngu paaire-Ne su iupungngu al᷊amonan kite.

DARALO 90:16

Pal᷊iatta'e manara-Nu si yami manga allang-Ngu, wuṛṛu taṛṛino-Nu apan maṛṛamaga su papapulunni yami.

MIKHA 6:5

Uma-U, naungete apa apan nihol᷊agi Balak ratun Moab si yamiu, wuṛṛu apa apan nisimbakki Bileam ana'i Beor si tou. Naungete apa apan nariaddi su amatanna suwallattu paddasananna su Sitim wuṛṛu su Gilgal. Amungkangngu i yamiu maanaungnga sarangkanambone udde, i yamiu sarun maatutukka apa apan buatte Ta'u niola'a tadea'u ipanal᷊amatta siy amiu.”

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

DARALO 25:6

Naungewe apapia wuṛṛu darangngu-Nu, oh Mawu, apan buatte nitantiro-Nu ro'en paarorone.

DARALO 22:31

Papapulunna manansunna sarun mattaṛṛamawu Mawu, i Tou sarun iwatti'a su pallal᷊awanna see lai papapulunna.

TAHIUL᷊E 10:15

Arawe darangngun Mawu su al᷊amonanu aroddi ahewalle, na'oman sara wuassu al᷊awo'u walahanne, ete i yamiu apan nipile-Ne, wuṛṛu na'oman sara orassa indi lai yamiu ta'e al᷊aṛṛanang-Nge apan nipile-Ne.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

DARALO 111:3

Manaran Mawu mawantuga wuṛṛu raddaloanna, atatul᷊iddu Mawu tawe pangudusanne.