DARALO 103:12 - WUKE SUSI WATTI'U AL᷊AL᷊USASSA

¹² Araune wuassu ra'i maddatingngu waṛṛata, araune udde lai niramme-Ne manga rosan kite.

DARALO 103:12 Referans Kwoze

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

YESAYA 38:17

Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

IBRANI 10:2

Unnu wisara, manga taumata apan massubba Ruata udde atonna-tonna suete niwaresi wuassu rosa, i mangitou tate lai pia naungnga uapendama rosa, wuṛṛu sasamba tate lai itantila.

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

YEREMIA 50:20

Sutempo udde Israel wuṛṛu Yehuda sarun mawaresi wuassu rosa, ana waugu i Ya'u sarun mangampungnga manga taumata apan buatte i Ya'u niapaasal᷊amatta. I Ya'u, Mawu, buatte nabbisara.”

YESAYA 45:6

Sarangkanambone udde Ta'u olaanna tadea'u wuassu ra'i maddatingngu waṛṛatta anambon taumata masingkatta manungku ete i Ya'u Mawu, tawe mawu waine tumba'u i Ya'u.

DARALO 113:3

Wuassu ra'i maddatingngu waṛṛatta arannu Mawu ṛinone raloanna.

DARALO 50:1

Daralon Asaf. Mawu, Ruata Apan Lembontaṛṛino, nabbisara, I Tou nassinaukka su ahewallu runia wuassu ra'i naddatingngu waṛṛatta.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YEHEZKIEL 18:22

Anambon rosane sarun ampunganna; i tou sarun mabbiakka, ana waugu inolaanne suṛṛinone.

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!