DARALO 102:18 - WUKE SUSI WATTI'U AL᷊AL᷊USASSA

¹⁸ I Tou sarun maddaringikka aal᷊iomannu al᷊aṛṛanang-Nge apan uatataṛṛanga, wuṛṛu tawe mapawelengngu darorongngi mangitou.

DARALO 102:18 Referans Kwoze

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

2 PETRUS 1:15

Ne i ya'u sarun mattinsahada tadea'u napawe i ya'u natete lai, yamiu siddutu mannaungnga apia manga inolaanna indi.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YESAYA 43:7

Ana waugu i mangitou sarangkanambone buatte niwagoannu ringannu arang-Ku, i mangitou Ta'u niriaddi iapawantuga si Ya'u.”

DARALO 71:18

Oh Ruata, i ya'u ariewe pattantanga'a, ma'oman sara i ya'u matimmade wuṛṛu owananna, tadea'u i ya'u mapabbatti'u taṛino wuṛṛu atatohan-Nu su anambon papapulunna apan addantane.

DARALO 48:13

Pamal᷊iwutte Sion, pal᷊intara'e i tou, wuṛṛu reenga'e candine.

SASABANGNGA 17:14

Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

DARALO 69:34

Ana waugu Mawu naddaringikka taumata asiangnga; i Tou tawe namalan al᷊aṛṛanang-Nge sulal᷊ummu tattupanna.