DARALO 102:17 - WUKE SUSI WATTI'U AL᷊AL᷊USASSA

¹⁷ napawe Mawu mapararisikku Sion apia, wuṛṛu rumanta sulal᷊ummu awawantu-Ge.

DARALO 102:17 Referans Kwoze

NEHEMIA 1:6

Pa'ellege si ya'u oh Mawu, wuṛṛu daringiṛṛewe aal᷊iomanna apan ta'u iruitta su saruan-Nu allo wuṛṛu ṛabbi hunan umattu Israel, manga allang-Ngu udde. I ya'u manga'u manungku i yami, umattu Israel, manga allang-Ngu udde. I ya'u manga'u manungku i yami, umattu Israel, buatte na'ola'a rosa; i ya'u wuṛṛu manga al᷊amona'u buatte na'ola'a rosa lai.

DARALO 72:12

Ana waugu i tou namallossu taumata niallangnga apan tawe maal᷊ore, wuṛṛu taumata asiangnga apan sussal᷊ande si tou.

DARALO 22:24

Paddalote si Tou, ei manga taumata apan mangngimanna! Wantuhete i Tou, ei anambon papapulunni Yakub! Al᷊intuddate su saruan-Ne, anambon papapulunnu Israel!

DARALO 9:18

Papate eteudde panginsueannu manga taumata lal᷊eo, manga walahanna apan tawe maddaringikka Ruata.

TAHIUL᷊E 32:36

Mawu sarun manal᷊amatta al᷊aṛṛanang-Nge wuṛṛu umakkannu manga allang-Nge, napawe i Tou maasilo i mangitou lomete wuṛṛu niasueanten atatohassa.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

NEHEMIA 1:11

Daringiṛṛewe aal᷊iomannu anambon allang-Ngu apan waine, apan mappulu mangaddatta Si'o. Onggol᷊aawe tul᷊ungan-Nu tadea'u su allo indi allang-Ngu indi maasomba darangngu wuassu ratu.” Sutempo udde i ya'u mammanara mangngimben ua'e ratu.

DARALO 69:23

Wala'e sal᷊iwangngi mangitou mandantan asasilaka, wuṛṛu maola'a sedda su manga rahon mangitou.

NEHEMIA 2:20

I ya'u sinumibakka, “Ruata tembonanne su surga sarun ma'ola'a manaran kami mahessi. I yami uddewe manga allang-Nge wuṛṛu i yamiu manattakke mapararisikka. Arawe i yamiu tawe taṛṛino ara'e pussa'a saran sambau su Yerusalem. Ewe'e lai amungkangngu pia taumata mabbisara su ola'u Yerusalem, arannu tate lai isaggo.”

DARALO 147:2

Mawu sarun manul᷊en Yerusalem; taumata apa buatte niramme sarun iapiddu Mawu mapul᷊e.

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

YEREMIA 31:38

Mawu nabbisara, “Sarun a'omanna tempone ahewallu Yerusalem iapararisikka apia maola'a soa-U, wuassu Menara Hananeel maddatingngu Ngara Pasallanganna Pi'une.