DARALO 102:12 - WUKE SUSI WATTI'U AL᷊AL᷊USASSA

¹² Wia'u malliudda ere lintau sutempo wawallo; i ya'u tinumolangnga ere nannal᷊o.

DARALO 102:12 Referans Kwoze

DARALO 135:13

Oh Mawu, I'o sidutu iapappasingkatta, wuṛṛu aran-Nu nannaungannu anambon papapulunna,

LAL᷊ALLU 5:19

Arawe I'o, oh Mawu, sidutu uataṛṛino, I'o mammarenta saran mal᷊annu-l᷊annu.

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

DARALO 9:7

Seetti yami nasute niṛṛadda'a, manga soan mangitou pinakkimunsang-Ngu; tateddu mannaungnga lai.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

YESAYA 60:15

I'o sarun tawe itantangnga wuṛṛu iarantinna, wuṛṛu tawe iwala maola'a mal᷊anna-l᷊annabba. I'o Ta'u olaanna al᷊al᷊uassa sarangkal᷊o'enge, tampa ilallala'a saran mal᷊annu-l᷊annu.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

AYUB 8:9

Wiakki ite maautta, i ite waggaten apa-apa; manga allon kite tumba'u ere lintau.

AYUB 14:2

I tou mallal᷊uwo wuṛṛu tuttolangnga ere wunga; sinumabbi ere lintau; lapiddu nawul᷊i.

DARALO 90:6

sutempo marua allo i tou tuttuwo wuṛṛu matti'akka, arawe tumulongnga sutempo mawawallo.

DARALO 109:23

I ya'u maraniten mawul᷊i ere lintau sutempo wawallo, i ya'u nipaṛṛassa ere saṛṛappalanna.