DARALO 101:6 - WUKE SUSI WATTI'U AL᷊AL᷊USASSA

⁶ Apulu'u taumata apan matuṛṛutta Mawu; i mangitou wotongnge matana'a su wal᷊e'u. Taumata mabbiakka apan tawe angngone wotongnge mangimbe si ya'u.

DARALO 101:6 Referans Kwoze

DARALO 119:63

I ya'u uahahawen anambon taumata ma'imanna, anambon taumata apan tuttuṛutta parenta-Nu.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

DARALO 15:4

apan mangngadio'a taumata apan nito'en Duata, arawe mangngadata taumata apan matta'uttu Ruata; apan mannipussa paaire, salaiwe i tou narugi

AMSAL 29:2

Amungkangngu taumata mapia mamarenta, lal᷊oṛṛon soa mal᷊uassa. Arawe amungkangngu taumata lal᷊eo uaparenta, tumana'u soa uatataṛṛangnga.

AMSAL 28:28

Amungkangngu taumata lal᷊eo uaparenta; tumana'u soa ma'imbuni; amungkangngu taumata lal᷊eo nate; taumata matul᷊idda sarun mamiaṛṛa'a ringannu tawe gal᷊ahene.

DARALO 34:15

Pangindauten al᷊al᷊eo, pa'ola'e apapia, paddea'e paddarame ringannu anambon auatannu.

YOHANES 14:3

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

IMAMATTA 14:42

Ana see manga watu apan niapasabbangnga udde ṛinone hantiannu manga watu wakku. Ahewallu darandungngu wal᷊en udde ṛinone pilesteranna wakku.