DARALO 100:5 - WUKE SUSI WATTI'U AL᷊AL᷊USASSA

⁵ Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 100:5 Referans Kwoze

DARALO 106:1

Paadiangkamante su Mawu, ana waugu i Tou mapia; darangngu-Ne tawe pattaal᷊anne.

DARALO 107:1

“Paadiangkamante su Mawu ana waugu i Tou mapia, darangngu-Ne sarangkal᷊o'engnge.”

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 36:5

Su tampan tatiil᷊anna i tou manggol᷊agu al᷊al᷊eo, inolaanne taweddu mapia, iapa lal᷊eo tawe ito'ene.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

1 TAWARIKH 16:34

A'al᷊iomante su Mawu, ana waugu i Tou mapia; darangngu-Ne saran mal᷊annu-l᷊annu.

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

NAHUM 1:7

Mawu udde mapia, i Tou uasirungnga uman-Ne sutempo i mangitou susa, i Tou uariaga taumata apan uasirungnga si Tou.

DARALO 119:68

Ana waugu I'o mapia wuṛṛu na'ola'a apapia, i ya'u aṛṛa'ewen manga tita-Nu.

DARALO 107:22

Wala'e i mangitou maadiangkamanna ringannu uaapiddu sasamba, wuṛṛu mabbatti'u inolaan-Ne ringannu manga aantarin lal᷊uassa.

DARALO 107:8

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

DARALO 85:10

Atonna, i Tou uariahite manal᷊amatta taumata apan ma'imanna, Ruata apan mawantuga sarun mamanua su wanuan kite.

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

DARALO 52:1

Su piaṛṛa'u mangangantari. Aantari al᷊aṛṛa'i Daud,

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

DARALO 107:15

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.

DARALO 146:6

Ete i Tou apan nandiaddi langitta wuṛṛu runia, tahal᷊oangnga wuṛṛu al᷊awo'u lal᷊oṛṛone; i Tou sidutu matul᷊idda saran mal᷊annu-l᷊annu.

DARALO 25:8

Ana waugu Mawu mapia wuṛṛu matul᷊idda, I'o namantingiddu lal᷊anna su taumata apan nial᷊iwune.

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.