DARALO 100:4 - WUKE SUSI WATTI'U AL᷊AL᷊USASSA

⁴ Suttate su ngara-Ne apan mal᷊oangnga ringannu aantari aadiangkamanna, sulal᷊ummu rallak-Ke ringannu manga daralo. Paadiangkamante si Tou wuṛṛu paddalote si Tou!

DARALO 100:4 Referans Kwoze

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

1 TAWARIKH 29:13

Orassa indi, oh Ruatan kami, yami ma'adiangkamanna Si'o, wuṛṛu yami maddalo aran-Nu apan mawantuga.

DARALO 66:13

I ya'u sarun mangapiddu sasamba itattambunna su Wal᷊en-Nu wuṛṛu manipussa paaire'u Si'o,

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

DARALO 96:2

Pangantarite su Mawu wuṛṛu paddalote si Tou; miallo-miallo pasingkata'e watti'u al᷊al᷊uassa manungku i Tou buatte nanal᷊amatta si ite.

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

DARALO 65:1

Su piaṛṛa'u mangangantari. Daralon Daud. Antari.

DARALO 95:2

Wette i ite sumaruanna si Tou ringannu antari aadiangkamanna, lumala'u Mawu ringannu aantarin daralo.

DARALO 96:8

Paddalote aran-Ne apan mawantuga, wuṛṛu apira'e sasamba sulal᷊ammu Wal᷊en-Ne.

DARALO 99:3

Wala'e i mangitou maddalo aran-Ne apan na'ukkassa mawantuga. Na'ukkasse i Tou!

DARALO 122:2

Orassa indi i yami na'omate su sasuttannu soa Yerusalem.

DARALO 122:4

Ete isindi manga walahanna nirumanta, manga walahanna nipilen Mawu, tadea'u maadiangkamanna si Tou uasul᷊ungngu parenta-Ne.