DARALO 100:2 - WUKE SUSI WATTI'U AL᷊AL᷊USASSA

² Pattaṛṛamawute Mawu ringannu lulluassa, rantate su saruan-Ne ringannu aantarin al᷊al᷊uassa!

DARALO 100:2 Referans Kwoze

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

DARALO 71:23

I ya'u lullala'a ringannu lulluassa, lapiddu mangngantarin daralo Si'o. Wadangku mangngantari ringannu lulluassa, ana waugu I'o buatte nanal᷊amatta si ya'u.

DARALO 95:2

Wette i ite sumaruanna si Tou ringannu antari aadiangkamanna, lumala'u Mawu ringannu aantarin daralo.

TAHIUL᷊E 28:47

I yamiu buatte nial᷊amatannu Mawu Ruatanu sulal᷊ummu al᷊awou manaranu, arawe i yamiu maddiri mattaṛṛamawu si Tou ringannu naungnga matul᷊idda wuṛṛu mal᷊uassa.

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

1 MARARATU 8:66

Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

2 TAWARIKH 31:2

I Ratu Hizkia nangatokku apia manga ammul᷊annu manga imam wuṛṛu taumatan Lewi tumuṛṛuttu tahia manaran mangitou. Manga manara eteudde: mangonggolu sasamba itattambunna wuṛṛu sasamban paddarame, mangangimben lal᷊aghu patataṛṛamawu su Mawu su al᷊awo'u tampa su Wal᷊en Mawu.

2 TAWARIKH 29:30

Ratu wuṛṛu matatimmadu wanua nandolokku manga taumatan Lewi niapaantari iaparalo Mawu eteudde manga daralo apan niaṛṛa'i Daud wuṛṛu Nabi Asaf. Anambon taumata mangngantari ringannu lulluassa lapiddu niumal᷊intudda massubba Ruata.