DARALO 10:2 - WUKE SUSI WATTI'U AL᷊AL᷊USASSA

² Ringannu mawunga taumata lal᷊eo mangngallanga taumata asiangnga; wala'ewe i mangitou mul᷊ussa su seddane sassane.

DARALO 10:2 Referans Kwoze

DARALO 59:12

Ariewe mamate si mangitou, oh Mawu, tadea'u walahangku tawe maabul᷊i. Sal᷊iawuṛṛa'e wuṛṛu waddoa'e i mangitou ringannu taṛṛino-Nu, oh Mawu mallal᷊u'addi yami.

DARALO 36:11

Antimanna I'o sidutu umakkannu taumata apan maaillal᷊a Si'o, wuṛṛu mandangngu taumata naungnge matul᷊idda.

DARALO 7:16

I tou naal᷊i loṛangnga ipagau taumata waine, arawe i tou sassane nanawo sulal᷊umme.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

DARALO 119:122

Paddiandite manungku I'o mantul᷊ungku, arie pabbala'a i ya'u aallangannu manga taumata mawunga.

DARALO 31:18

Arie pabbala'a i ya'u maasomba asasili, oh Mawu, ana waugu i ya'u ma'ial᷊are Si'o. Wala'ewe taumata lal᷊eo pansilianna, wuṛṛu ringannu matammudda summossokka watukku runian taumata nate.

DARALO 140:5

Oh Mawu, liuaawe i ya'u wuassu taṛṛinon taumata lal᷊eo, riagaiwe i ya'u su saruannu taumata apan mandantan pabbawawul᷊o apan pia pandumma mangema'u.

DARALO 119:85

Taumata apan tawe tumuṛṛutta tita-Nu, buatte naal᷊i loṛṛangnga ipaggau si ya'u.

DARALO 119:69

Taumata mawunga mallobbosa si ya'u, arawe i ya'u ringannu ahewallu naungnga tuttuṛṛutta parenta-Nu.

YEREMIA 43:2

Ana see i Azarya ana'i Hosaya wuṛṛu Yohanan ana'i Kareah see anambon taumata waine apan mawunga udde nabbisara si ya'u, “I'o mangngawusu. Mawu Ruatang kami tawe nandolokku maningaddi yami inai matana'a su Mesir.

YESAYA 14:16

I mangitou apan uatana'a isudde sarun ma'ellega wuṛṛu manutudda si'o. I mangitou sarun maiwal᷊o, ‘Eteindi taumatane apan mangngio'u runia wuṛṛu mappahahio manga araratuanna?

YESAYA 14:13

I'o mappulu suma'a su langitta wuṛṛu mangaddon adderan araratuannu roso su anumpitanna apan atanggaṛṛanne! Su ṛingiddu i'o wotongnge uma'ianna ere ratu roso su wowone su samba'an sawannakka, tampa manga monganna ma'ammulla.

DARALO 119:5

Antimanna i ya'u ringannu matohassa tuttuṛṛutta manga parenta-Nu.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 9:17

Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

DARALO 109:16

Ana waugu taumata udde tawe mannaungnga tadea'u mamasilon darangngu. I Tou mannansara taumata asiangnga wuṛṛu susa, wuṛṛu namate taumata lome.