DARALO 10:17 - WUKE SUSI WATTI'U AL᷊AL᷊USASSA

¹⁷ Mawu, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

DARALO 10:17 Referans Kwoze

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

DARALO 34:15

Pangindauten al᷊al᷊eo, pa'ola'e apapia, paddea'e paddarame ringannu anambon auatannu.

1 PETRUS 3:12

Ana waugu Mawu sidutu ma'ellega manga taumata apan tuttuṛṛutta apulu-Ne, wuṛṛu Mawu sidutu maddaringikka manga aal᷊iomanni mangitou; arawe Mawu lullawangnga manga taumata apan ma'ola'a al᷊al᷊eo.”

YESAYA 65:24

Tantal᷊anna i mangitou taambe naddorongnga, i Ya'u buatte sinumimbakka; tantal᷊anna i mangitou taambe nuddussa inumal᷊iomanna, i Ya'u buatte naddaringikka aal᷊iomanni mangitou.

DARALO 37:4

Paddea'e lal᷊umanangu su Mawu, I Tou sarun mangutungu apulun naungngu.

1 TAWARIKH 29:18

Oh Mawu Ruata, apan sassubbanni Abraham, i Ishak wuṛṛu i Yakub, al᷊amonan kami, antimanna I'o mallu'adda tadea'u al᷊aṛṛanang-Ngu sidutu marangngu Si'o ere lai su orassa indi wuṛṛu tul᷊ungaawe tadea'u sarangkal᷊o'engnge sidutu tuttuṛṛuta Si'o.

DARALO 9:12

Paddalote Mawu apan uaparenta su Sion! Wattia'e inolaan-Ne su manga walahanna!

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

YAKOBUS 4:10

Ṛinone i yamiu sumallungu watangannu su saruannu Mawu, ne Mawu sarun manduitti yamiu.

AMSAL 16:1

Taumata wotongnge manggol᷊aga, arawe Ruata apan makkawessa.

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

2 TAWARIKH 30:12

Su Yehuda lai Ruata nammanara wuṛṛu nangaukku naungngu tumanangnge tadea'u atonna-tonna tumuṛṛutta apulun Duata ringannu tuttuṛṛutta lai manga parentan datu wuṛṛu mamanaran araratuanne.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

EFESUS 3:12

Ringannu mangngimanna si Kristus wuṛṛu ana waugu uaaukka ringanni Tou, i ite niwala wotongnge mangundanin Duata ringannu napenen pangangimanna.

EFESUS 2:18

Sulal᷊ummi Kristus, i ite sarangkanambone – mawae taumatan Yahudi ara'e taumata wal᷊ine Yahudi – wuassu Ghaṛṛahon Duata man sambau, wotongnge mangundanin Iamangnga.

ROMA 8:26

Aroddi lai Ghaṛṛahon Duata nirumanta mantul᷊ungngi ite amungkangngu i ite lome. Ana waugu i ite wagga ereapa ṛinone i ite umal᷊iomanna; Ghaṛṛaho udde sassane sumaruanna Ruata sumal᷊ande hunan kite ringannu ahewallu ṛintulu, na'oman sara tawe iawisara.

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

AMSAL 10:24

Taumata masaṛṛionto'a maasomba apa apan ipaapulune; taumata lal᷊eo maasomba apa apan lembon iaata'unne.

DARALO 9:18

Papate eteudde panginsueannu manga taumata lal᷊eo, manga walahanna apan tawe maddaringikka Ruata.

2 TAWARIKH 29:36

Ne naungngi Ratu Hizkia wuṛṛu tumanangnge nal᷊uasse ana waugu sulal᷊ummu tempo apan mal᷊ihakka Ruata buatte nassumbala na'ola'a sarangkanambone udde.