DARALO 10:14 - WUKE SUSI WATTI'U AL᷊AL᷊USASSA

¹⁴ Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

DARALO 10:14 Referans Kwoze

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

DARALO 146:9

I Tou mannillumma manga taumata raho; i Tou nantul᷊ungngu manga inawal᷊uanna wuṛṛu asisin timpal᷊uassa, arawe nanal᷊are hol᷊agu taumata lal᷊eo.

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

YEREMIA 49:11

Ei Edom! Tantanga'e manga asisinu si Ya'u, i Ya'u sarun mappadul᷊i si mangitou. Wala'e manga inawal᷊uanna pia pangangimanna si Ya'u.

DARALO 55:22

Manga wisarane al᷊ussa massal᷊o'a, arawe sulal᷊ummu naungnge pia ararantinna. Wisarane masaṛṛionto'a, arawe mangngusu'a naal᷊ihidda hal᷊ele maṛṛoro.

TAHIUL᷊E 10:18

I Tou uasamba'a asisi timpal᷊ussa wuṛṛu inawal᷊uanna tadea'u i mangitou olaanna lai ringannu matul᷊idda; I Tou mandangngu taumata raho apan mabiakka suadio'a ringannu walahanni ite wuṛṛu nangonggolu anna wuṛṛu laubba si mangitou.

1 PETRUS 5:7

Tantila'e anambon asasinggawangngu su Ruata, ana waugu i Tou uapaddul᷊i si yamiu.

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

HABAKUK 1:13

Arawe ereapa I'o maataṛṛangnga ma'ellega manga taumata lal᷊eo apan maṛṛagissa udde? Wal᷊inewe I'o tumaniten susi ipa'ellega al᷊al᷊eo? Wal᷊inewe I'o tattaṛṛa muta ma'ellega tawe atatul᷊idda? Nariaddi, anio I'o sidutu mal᷊annaaba sutempo taumata na'ukkassa niṛṛimunsa'u taumata lal᷊eo?

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

AMSAL 15:3

Mawu ua'ellega sarangkanambone apan nariaddi su al᷊awo'u tampa; i Tou uainnunu al᷊awo'a apan mapia wuṛṛu lal᷊eo.

DARALO 35:22

Arawe I'o, Mawu, naasilote; ariewe mangintammuda, oh Mawu, ariewe pangindau wuassi ya'u.

DARALO 22:11

Ro'en nisungkangnga, wia'u sulal᷊ummu lima-Nu, ro'en sulal᷊ummu illoṛṛon, tumba'u I'o Ruata'u.

2 TAWARIKH 6:23

oh Mawu, ṛinonewe I'o maddaringikka wuassu surga wuṛṛu makkawessu hatton manga allang-Ngu indi. Ṛuumana'e iapa nassal᷊a wuṛṛu pallosa'e iapa tawe sal᷊ane.

MAL᷊AṚṚUUNGNGA 1:7

Unni Adoni-Bezek, “Dorone pitum pul᷊o su atoune ratun seetta ta'u nipototta inangngu lima wuṛṛu leddane, ana see i mangitou ta'u niwala niumanna manga anna lambene apan tinumaṛoto wuassu medda'u. Orassa indi Ruata na'ola'a si ya'u ere lai ya'u na'ola'a si mangitou.” Wua'udde i Adoni-Bezek niapidda watukku Yerusalem, ne i tou natete poiaroddi.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

YOEL 3:4

Uranni yamiu i Ya'u indi, ei Tirus, Sidon wuṛṛu al᷊awo'u wageangngu leta'u Filistin? Mappuluwe i'o mabbal᷊issa naungngu lal᷊eo si Ya'u? Ne, panengkampe wawal᷊i-U apan rumanta ringannu mal᷊ihakka.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

PANDARIADDI 21:17

Ruata naddaringikka tingikki Ismael,wuṛṛu wuassu langitta mala'ekattu Mawu nabbisara si Hagar, wisarane, “Apate ma'asusa si'o, Hagar? Ariete paata'utta. Ruata buatte naddaringikka tingikku anangngu.

PANDARIADDI 31:12

Mala'ekatta udde nabbisara apia, ‘Pa'ellege, anambon ambinga esakka apan tantal᷊anna uawawatianna udde pia boṛṛentenge, wuṛṛu pia titingnge wuṛṛu tal᷊iṛṛawanna. I Ya'u nangatokku udde si'o ana waugu i ya'u buatte naasilo al᷊awo'u inolaanni Laban si'o.

SASABANGNGA 2:25

I tou naasilo manga taumatan Israel niallangnga, ne i tou nakkawessa inai mantul᷊ungngi mangitou.

SASABANGNGA 22:22

Imbaṛṛangnga ma'ola'a wawine wal᷊u ara'e ana'a asisitimpal᷊ussa ringannu walate apulu.

SASABANGNGA 22:26

Amungkangngu i yamiu manganu juban taumata waine maola'a wataṛṛun utangnga, juba udde ṛinone iapawelengnga tantal᷊anna matannallo taambe nattuppa,

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

DARALO 31:8

I ya'u sarun lumuassa wuṛṛu lumala'a ana waugu I'o sidutu mandangngu si ya'u. I ya'u naasilo asansara'u wuṛṛu ma'ellega asasusa'u.

DARALO 68:6

Ruata apan uatana'a su Wal᷊en-Ne apan susi eteudde; iamangngu ana'a asisi wuṛṛu mananahekku wawine wal᷊u.

AMSAL 15:25

Mawu sarun manggohakku wal᷊en taumata naungnge matanggakka, arawe leta'a pussa'an bawine wal᷊u niriaggan-Ne.

LAL᷊ALLU 3:59

I'o ma'ellega al᷊al᷊eo apan niola'a su saruangku, hol᷊aga lal᷊eo wuassu seetta apan maddantingku. Ana waugu udde, oh Mawu, sambaaite hatto'u.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”