DARALO 10:11 - WUKE SUSI WATTI'U AL᷊AL᷊USASSA

¹¹ Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

DARALO 10:11 Referans Kwoze

YEHEZKIEL 8:12

Mawu nabbisara si ya'u, “Ei taumata apan mattate, i'o naasilote apa apan niola'u piaṛṛa'u Israel ringannu mal᷊anna-l᷊annabba? I mangitou mattaṛṛamawu sulal᷊ummu wabbo'a apan napenen paal᷊uanna ringannu pangiananna manungku i Ya'u buatte nanantangngu wanua indi wuṛṛu tawe ma'ellega inolaanni mangitou.”

DARALO 94:7

Unni mangitou, “Mawu tawe maasilo, Ruatan Yakub tawe maatutukka.”

DARALO 73:11

Unni mangitou, “Ruata wagga, Apan Atanggaṛṛane tawe maasunna.”

DARALO 10:6

Wisarane sulal᷊ummu naungnga, “Apulu'u tawe apeleanna, wuṛṛu sara papapulunne ere taumata apan tawe mabbiakka su all᷊al᷊eo.”

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

DARALO 64:5

Wuassu pa'imbunianne i mangitou mannal᷊iawukku watti'a awusu, ringannu tawe mata'utta i mangitou mangngadio'a taumata apan tawe sal᷊ane.

LUKAS 7:39

Napawe taumatan Farisi apan nangahe Mawu Yesus naasilo olangnge udde, i tou nabbisara sulal᷊ummu naungnga, “Iraṛṛangngo taumata indi sangkatou nabi, i Tou masingkatta isai wawine apan nangindingnga si Tou, wuṛṛu manungku wawine udde mabbiakka sulal᷊ummu paddarosa!”

MARKUS 2:6

Manga pira hurun agama apan ua'ianna isudde, mannattakke uaaiwal᷊o sulal᷊ummu naungnga,

DARALO 59:8

I mangitou sidutu mammasendekka wuṛṛu mallobbosa; manga wisaran mangitou maṛṛoro naal᷊ihidda hal᷊ele, i mangitou massunna manungku taweddu maaringikka.

DARALO 64:6

I mangitou sidutu uaagassa matohassa pandumanne apan lal᷊eo, wuṛṛu ma'ire mantaingngu sasedda; i mangitou massunna naudde taweddu maasilo.

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”