DARALO 1:3 - WUKE SUSI WATTI'U AL᷊AL᷊USASSA

³ Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

DARALO 1:3 Referans Kwoze

YEREMIA 17:8

I tou naal᷊ihidda aal᷊uanna su winggin sal᷊ukka apan mangngelekka; ṛamunne tinumundo naddatingngu ua'e. I tou tawe mata'uttu tempom paddissa, manga rongngane sidutu mangngelomma. Salaiwe wanua niaṛṛiaannu tandiawa, i tou tawe suminggawangnga ana waugu i tou sidutu mabbua.

YEHEZKIEL 47:12

Su al᷊o'engngu winggin sal᷊ukka ruan ba'a sinumapputta anambon hatin aaluanna mabbua. Rongngu alu udde tawe tumolangnga, wuṛṛu manga wuane tawe masue. Manga aaluanna udde sarun mapasabbangu manga wuane wakku suapan bul᷊anna, ana waugu ua'e apan mangngelekka isudde ua'e wuassu Wal᷊e Mawu. Manga wuane nabbal᷊i anna wuṛṛu manga rongngane mahuna olaanna undamma.”

DARALO 92:14

I mangitou naal᷊ihidda punnu alu apan nisuanna su Wal᷊en Mawu, wuṛṛu sinumindumunna su Wal᷊en Ruatan kite,

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

YEHEZKIEL 19:10

Inangngu naal᷊ihidda punnu anggore maṛṛansanga apan tuttuwo su wailla maranin sungene. I tou naola'a mapaṛṛampunga wuṛṛu nabbua ana waugu isudde ua'e marasai.

PANDARIADDI 39:23

Tembonannu tutupanna udde tate lai mallu'adda al᷊awo'a apan buatte nipangimanna si Yusuf, ana waugu Mawu mantul᷊ungngi si tou na'oman sara i tou mahessi su al᷊awo'u manarane.

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.

YEHEZKIEL 17:8

Sumbal᷊i punnu anggore udde nasuante su leta'a apan masuwukka ringannu ua'e apan manambo, na'oman sara i tou wotonge maddongnga manambo, mabbua marasai, wuṛṛu maola'a punnu anggore apan mapia.

MATIUS 13:6

Arawe su orassu matannallo matanggakke, manga tatuwon wualanna udde mannattakke tinumolangnga, ana see naṛṛangu wuṛṛu nate ana waugu ṛamunne tawe nusippa mal᷊al᷊umma.

2 TAWARIKH 31:21

I tou mammanara pia gessine, ana waugu al᷊awo'u inolaanne su Wal᷊en Mawu ara'e tatuṛṛutta su manga titan Mawu, niapaamanne ringannu ahewallu naungnga wuṛṛu ringannu darangngu su Mawu Ruatane.

PANDARIADDI 39:3

Tuangnge naasilo manungku Mawu nantul᷊ungngi Yusuf wuṛṛu ana waugu udde i Yusuf mahessi su al᷊awo'u manara apan mammanaranne.

DARALO 128:2

I'o sarun umanna hessin inasaharannu, mabbiakka mal᷊uassa wuṛṛu su lal᷊umanna'a.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

YESAYA 44:4

I mangitou sarun tumuwo masuwukka ere wal᷊abbukka maranin kua'e, naal᷊ihidda punnu alu gandarusa su wiwikku sal᷊ukka.

AYUB 14:9

arawe napawe naeṛṛetannu ua'e, i tou tumuwo apia, naal᷊ihidda sasuanna wakku, sollane sumabbangnga apia.

MATIUS 21:34

Napawe nia'omante pangangitingngu wuan anggore udde, tatahuannu leta'a nandolokku manga ralol᷊oṛṛanne ringannu mamamanaram bailla udde, iapatarimmatta wageangnge.

MATIUS 21:19

I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

MATIUS 21:41

I mangitou sinumimbakka, “I tou sarun mamate manga taumata lal᷊eo udde, see mapasewatem baillu anggore udde su taumata waine apan maapulu mangagillu hessin leta'a udde su tempone.”

1 TAWARIKH 22:11

Ana see i Daud nabbisara apia, “Orassa indi, ana'u, antimanna Mawu Ruatanu sidutu mantul᷊ungngu. Wuṛṛu antimanna i'o wotongnge mapararisikku Wal᷊en Mawu ere lai buatte nipa'ire-Ne.

DARALO 129:8

Manga taumata sumabbi taweddu mabbisara, “Antimanna i'o al᷊amatannu Mawu, i yami mangal᷊amatta si'o sulal᷊ummu arannu Mawu.”

2 TAWARIKH 32:23

Manambo taumata nirumanta watukku Yerusalem uaapiddu sasamba su Mawu wuṛṛu manga aonggola si Hizkia, na'oman sara nanattakka orassa udde i tou aaddatannu anambon walahanna.

REENGANNA 24:6

Naal᷊ihidda wawal᷊anne apan mal᷊alangnga uawannada, ara'e waillu bunga su wiwikku sal᷊ukka; naal᷊ihidda punnu alu gaharu apan nisuannu Mawu, ara'e manga punnu alu aras su wiwikku sal᷊ukka.

TAHIUL᷊E 28:8

Mawu Ruatanu sarun mangal᷊amatta inasaharannu wuṛṛu malloṛṛo wal᷊ingkakku ringannu gandumma. I Tou sarun mangal᷊amatta si yamiu su wanua apan nionggoli Tou si yamiu.

2 MARARATU 18:7

Ana waugu udde Mawu sidutu mantul᷊ungngi tou na'oman sara i tou pia gessine su al᷊awo'u inasaharanne. I tou namangalo ratun Asyur, wuṛṛu maddiri massubba si tou.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

AYUB 22:28

Inasaharannu sidutu sarun pia gessine, wuṛṛu asasemakka sarun manemakka pabbiaṛṛannu.

DARALO 92:15

alu apan ta'e mabbua sutempo i tou nahurangke, sidutu nangelomma wuṛṛu masuwukka.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YEHEZKIEL 31:5

Ana waugu ua'ene tawe mahaingnga, tatuwone masuwukka, rannane masallakka wuṛṛu mal᷊o'engnga. Wuassu al᷊awo'u aal᷊uanna su manga mahurangnge, ete i tou apan al᷊angkasanne uasampal᷊iu.