DANIEL 9:8 - WUKE SUSI WATTI'U AL᷊AL᷊USASSA

⁸ Manga ratun kami, manga piaṛṛa'a wuṛṛu iupungngu al᷊amonan kami buatte na'ola'a inolaanna apan maasili wuṛṛu narosate su saruan-Nu, oh Mawu.

DANIEL 9:8 Referans Kwoze

LAL᷊ALLU 3:42

“I yami na'ola'a rosa wuṛṛu nilumawangnga Si'o, oh Mawu, wuṛṛu I'o tawe mangonggollu ampungnga.

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

YEREMIA 14:20

Mawu, tumba'u su saruan-Nu i yami buatte na'ola'a rosa. I yami manga'u rosan kami sassane wuṛṛu rosan al᷊amonang kami.

LAL᷊ALLU 5:16

Al᷊al᷊uassi yami nasuete, i yami nasilaka ana waugu marosa.

YEREMIA 32:32

ana waugu al᷊awo'u al᷊al᷊eo apan niola'u taumatan Yehuda wuṛṛu Yerusalem suadio'u manga ratu, tembonannu pamarenta, imam, wuṛṛu manga nabi mangitou.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

2 MARARATU 21:15

Sarangkanambone sarun Ta'u olaanna su saruannu walahangKu ana waugu i mangitou buatte na'ola'a rosa su saruang-Ku wuṛṛu nandal᷊eo naungku ro'en al᷊amonan mangitou sinumabbanga wuassu Mesir naddatingngu allo indi.”

2 TAWARIKH 6:37

antimanna I'o maddaringikka aal᷊iomanni mangitou. Amungkangu su wanua indi i mangitou nanantangngu manga rosan mangitou, wuṛṛu umal᷊iomanna Si'o lapiddu manga'u manungku i mangitou narosate wuṛṛu na'ola'a al᷊al᷊eo, daringiṛewe aal᷊iomanni mangitou, oh Mawu.

NEHEMIA 1:6

Pa'ellege si ya'u oh Mawu, wuṛṛu daringiṛṛewe aal᷊iomanna apan ta'u iruitta su saruan-Nu allo wuṛṛu ṛabbi hunan umattu Israel, manga allang-Ngu udde. I ya'u manga'u manungku i yami, umattu Israel, manga allang-Ngu udde. I ya'u manga'u manungku i yami, umattu Israel, buatte na'ola'a rosa; i ya'u wuṛṛu manga al᷊amona'u buatte na'ola'a rosa lai.

YESAYA 64:4

Taambe saran paassa piaddu naaringikka, wuṛṛu taambe saran paassa piaddu naasilo manungku wal᷊ine wuas-Si'o, pia mawu apan mammanara, su taumata apan uaantimma si tou.

YEREMIA 7:19

Arawe mangke atonna, wal᷊inewe i Ya'u apan raddal᷊eoanni mangitou, ewe'e watanganni mangitou sassane na'oman sara i mangitou nasili.

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”