DANIEL 9:3 - WUKE SUSI WATTI'U AL᷊AL᷊USASSA

³ Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

DANIEL 9:3 Referans Kwoze

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

EZRA 9:5

Sutempo sasamban bawallo mannattakke ia'onggolla, i ya'u dirumarisikka wuassu tampa i ya'u massusa ringannu lau'u apan nahesa'a, i ya'u niumal᷊intudda wuṛṛu nanoggokku lima'u su Mawu Ruata'u.

EZRA 10:6

Napawe i mangitou nassalu, Ezra nanantangken saruannu Wal᷊en Mawu wuṛṛu sinumutta su tampa tatanaanni Yohanan ana'i Elyasib wuṛṛu nanaṛṛabbi isudde. I tou maddiri umanna ara'e ma'inumma ana waugu massusa maṛṛingiddu inolaannu manga taumata niwuangnga udde.

EZRA 8:21

Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.

WATTI'U MANGA RASUL 10:30

I Kornelius sinumimbakka, “Tallu allo nal᷊iu, iraṛṛangngo su tempo ereindi, i ya'u tantal᷊anna u'al᷊iomanna su wal᷊e puulla tatallu wawallo. Inaṛṛombanganne sangkatou esakka nirumarisikka su saruangku. Laubbu taumata udde sussal᷊ol᷊otta.

LUKAS 2:37

i Hana naola'e wawine wal᷊u, wuṛṛu orassa indi uukke ual᷊utem pul᷊o appatta su tonnane. Tawe saran paassa i tou nanantangngu Wal᷊e Mawu. Allo ṛabbi i tou mattaṛṛamawu isudde su Ruata ringannu u'al᷊iomanna wuṛṛu mappuasa.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YEHEZKIEL 36:37

Mawu Apan Atanggaṛṛanne nabbisara, “Ei walahannu Israel, i yamiu Ta'u iwala apia maiontolla si Ya'u; i Ya'u sarun manimu reengannu ere ammul᷊annu domba.

DARALO 35:13

Sutempo i mangitou maradda'a, i ya'u massusa wuṛṛu tawe umanna; i ya'u u'al᷊iomanna ringannu uaruutta,

DANIEL 6:10

Ne Ratu Darius nabartandate suratta parenta udde.

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

DANIEL 9:4

Al᷊awo'u rosan balahangku ta'u nia'uanna su Mawu Ruata'u. Wisara'u, “Mawu Ruata, I'o wahewalla, wuṛṛu i yami mangngaddata Si'o. I'o sidutu mannuungngu paaire-Nu wuṛṛu mapal᷊iatta'u darangngu-Nu apan tawe panguddusanne si mangitou apan mandangngu Si'o wuṛṛu tuttuṛṛutta apa apan niparenta-Nu.

DANIEL 9:20

I ya'u sidutu u'al᷊iomanna wuṛṛu mangnga'u rosa'u wuṛṛu rosan balahangku Israel, see sinumal᷊ande su Mawu Rutta'u tadea'u mamelengngu wal᷊e-Ne apan susi.

YUNUS 3:5

Tumana'u Niniwe mangngimanna tanatan Duata udde. Anambon tumanangnge nakkawessa tadea'u mappuasa, wuṛṛu anambon taumata, mawae timmadde ara'e lai dario'a, malluṛṛen nasa karongnga ipamasingkatta manungku i mangitou sinumassillu manga rosan mangitou.

2 SAMUEL 12:16

Ana see i Daud niumal᷊iomanna su Mawu tadea'u ana'a udde mapia wuassu radda'a. I tou tawe umanna wuṛṛu suapan maṛṛabbi i tou mattiilla wowa su apampakku wabbo'ane.

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

MATIUS 17:21

Arawe ghaṛṛaho lal᷊eo ereindi, tumba'u wotongnge limbuaṛṛannu aal᷊iomanna wuṛṛu mappuasa.]”