DANIEL 9:26 - WUKE SUSI WATTI'U AL᷊AL᷊USASSA

²⁶ Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

DANIEL 9:26 Referans Kwoze

NAHUM 1:8

Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.

YESAYA 53:8

I tou nitaṛṛanganna wuṛṛu niparikisanna, ana see niapidda wuṛṛu niṛṛuumanna pateanna. Taweddu na'ellega nasimme; i tou nate ana waugu rosan walahanni ite.

MARKUS 13:2

Mawu Yesus sinumimbakka, “I'o ma'ellega manga wal᷊e apan wahewa udde? Tawe saran sambau watu wuassu wal᷊e udde mallambe uaatokka su tampane, sarangkanambone sarun iapaahohakka.”

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

LUKAS 24:26

Wal᷊inewe Ratum Punnu Sal᷊amatta udde sarun mamendamma asasusa rorone, wua'udde na'omate su awawantug-Ge?”

MARKUS 9:12

Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

MATIUS 24:2

Mawu Yesus nabbisara si mangitou, “Apa i yamiu maasilo sarangkanambone udde? Asingkate, tawedu saran sambau watu wuassu manga wal᷊e udde sarun matana'a uaatokka su tampane. Sarangkanambone sarun iapaahohakka.”

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

DANIEL 11:10

Ana see manga umasannu ratun banua sawannakka sarun mandiahite inai mapapangalo wuṛṛu mangammullu tantara apan wahewalla. Sangkatou suwallatti mangitou sarun inai mamangalo ere manawangnga.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

YESAYA 8:7

Ana waugu udde i Ya'u, Mawu, sarun maparantan ratun Asyur wuṛṛu anambon tantarane mapapangalo Yehuda. I mangitou sarun lumempangnga ere Sal᷊ukku Efrat apan mattaṛṛatompe'a wuṛṛu mangngelekka su manga rampinne.

1 PETRUS 2:21

Ana waugu eteudde Ruata namaggo si yamiu. ana waugu Kristus sassane suete natataṛṛangnga asasusa ana waugu i yamiu, wuṛṛu ana waugu udde i Tou nangonggolu tul᷊ada si yamiu, tadea'u i yamiu manantuṛṛutta wal᷊ada-Ne.

YOHANES 14:30

I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U.

LUKAS 24:46

See i Tou nabbisara si mangitou, “Sulal᷊ummu Wuke Susi uawoṛṛetta manungku Ratum Punnu Sal᷊amatta ṛinone matataṛṛangnga, wuṛṛu sarun mabangunna apia wuassu papate su allo atallune.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

MARKUS 13:7

Amungkangngu i yamiu maaringikka manga tingikku pangalo wuṛṛu manga watti'u pasaseetta, arie pa'ata'utta. Sarangkanambone udde sarun mariaddi, arawe sarangkanambone udde tawe papasingkatta manungku temponete kiamatta.

MATIUS 22:7

Su tempo ratu udde naaringikka olangnge udde, i tou nasa'u atonna. I tou nandolokku tantarane iapapate manga taṛṛa pate udde, wuṛṛu iapatutungnga soa mangitou.

MATIUS 22:2

wisarane, “Amungkangngu Ruata mamarenta, olangnge ere sasumandingnga indi: Sangkatou ratu na'ola'a andeangngu awingngu anangnge esakka.

AMOS 9:5

Runia niumio'a wuṛṛu tumanangnge massusa, ana waugu nieṛṛetannu Mawu Apan Atanggaṛṛanne wuṛṛu Lembontaṛṛino. Naal᷊ihidda Sal᷊ukku Nil mattingkulla see umeṛṛotta aroddi lai mangitou wua suma'e see manawo.

AMOS 8:8

Runia sarun umio'a, wuṛṛu anambon taumata naungnge massusa. Ahawellu wanua sarun mangindo wuṛṛu iwabbaretane naal᷊ihidda Sal᷊ukku Nil.

HOSEA 1:9

Mawu nabbisara si ya'u, “Arannu anangngu saggoa'e udde ‘Wal᷊ine Uma-U’, ana waugu taumatan Israel wal᷊ine uma-U, wuṛṛu i Ya'u wal᷊ine Ruatan mangitou.”

YEREMIA 46:7

Isai i tou apan nawitta ere ua'en Sal᷊ukku Nil, ere sal᷊ukka naṛṛammo manga winggine? Uddewe wanua Mesir. Wisarane, ‘I ya'u sarun rumarisikka wuṛṛu mangaggassa runia. Sarun ta'u ramunsaanna manga soa see tumanangne.

DARALO 22:15

Ikka'u nasuete naal᷊ihidda ua'e nabboso, anambon duṛṛi'u napallossa wuassu pabbuuanne, naungku nonossa ere lilinna.

LUKAS 21:6

“Paṛṛado pia tempone, apa apan niasiloanni yamiu indi sarun ihohakka; tawe saran sambau watu isindi apan mallambe uaatokka su tampane!”

MATIUS 23:38

Ana waugu udde Ruata tate lai maṛṛundinganna si yamiu.

DANIEL 11:17

Wua'udde ratun banua sawannakka sarun mandiahi tantarane ipamangalo wanua timukka. Ana see ringannu pandumanna manganu ahewallu araratuannu seene, i tou sarun makkiinnu paaire ringanni i tou wuṛṛu mangawingu anangnge maṛṛualane ringannu ratun Mesir udde; arawe ṛiinne udde tawe gessine.

YEREMIA 51:42

Ua'en tahal᷊oangnga tinumompe'a su Babel; manga luangnge nirumapa naṛṛammon banua udde.

DANIEL 11:22

Al᷊awo'u tantara apan mando'appa si tou, ore wewe lai Imam Wahewalla, sarun insueanna wuṛṛu ṛimunsaanna.

2 SAMUEL 21:5

I mangitou sinumimbakka, “i Saul ratu nipilen Mawu pia pandumma mamate si yami sarangkanambone ma'oman sara yami mawul᷊i wuassu ahewallu Israel.

YESAYA 28:2

Mawu sarun mandolokku sangkatou apan matohassa wuṛṛu waṛṛani. Darantane ere anginna ma'ikkatta daṛundinganannu uranna eisse, ere uranna masaddatta wuṛṛu manawangnga apan ma'aonodda. Ringannu araṛṛagissa i tou mangngema'i mangitou su leta'a.

YESAYA 28:22

I ya'u naaringikke laṛṛawessu Ruata Apan Atanggaṛṛanne wuṛṛu Lembontaṛṛino ipamate ahewallu runia. Arie mapasal᷊a manga wisara tatagu apan iwabbal᷊o'u indi. Sal᷊immurine mabbal᷊i nangillembon asaharanne si yamiu maddea'a asasal᷊amattu waddangnga!

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.