DANIEL 9:25 - WUKE SUSI WATTI'U AL᷊AL᷊USASSA

²⁵ Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

DANIEL 9:25 Referans Kwoze

EZRA 4:24

Manara su Wal᷊en Mawu buatte niillol᷊o wuṛṛu tate nisassu na'oman sara tonna aruane pamamarentan Darius, ratun Persia.

YOHANES 4:25

Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”

YOHANES 1:41

Mal᷊iha-l᷊ihakka i Andreas naddea'a si Simon, tuṛṛangnge, wuṛṛu nabbisara si tou, “Yami suete nassomba Mesias!” (Mesias nassul᷊ungngi Kristus, eteudde: Ratum Punnu Sal᷊amatta.)

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

DANIEL 9:23

Sutempo i'o mannattakke sussal᷊ande Ruata, i Tou nangonggollu sasimbakke. I ya'u nirumanta mamasingkatta ana waugu i Tou marangngu si'o. Ne, paddaringikke paapia-pia tantal᷊anna i ya'u manal᷊a'an atappasannu sondappa udde.

DANIEL 8:25

Ana waugu i tou maa'alla, manga wawahiane sarun mahessi. I tou sarun mamungan batanganne, wuṛṛu ringannu tawe mapanaungnga dorone i tou sarun mamate manambo taumata. Ewe'e lai i tou waṛṛani mando'appa Ratu Apan Ahewal᷊anne. Arawe i tou sarun rimunsaanna ringannu tawe atatohassu taumata.

NEHEMIA 6:15

Pangangapia darandungnga udde niumanna tempo al᷊annune 52 su allone, wuṛṛu nasue su allo darua pul᷊o l᷊ima wul᷊anna Elul.

NEHEMIA 4:8

I mangitou nabbaidda inai mamangalo Yerusalem wuṛṛu mapal᷊apputtu aal᷊iba'ukka.

NEHEMIA 3:1

Eteindi papasingkatta su ola'u ereapa darandungngu so Yerusalem niola'a apia. Imam Wahewalla Elyasib wuṛṛu manga hawene na'ola'a apia Ngara Wahewalla Domba, nandeettu manga pappallu ngara wuṛṛu niṛṛae humam Mawu. I mangitou nangapia wuṛṛu naṛṛaen darandungnga naddatingngu Candi Hananeel.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

WATTI'U MANGA RASUL 5:31

Ruata suete nangonggolu aiananna wuṛṛu taṛṛino apan matanggakka si Tou eteudde Piaṛṛangnge wuṛṛu Punnu Sal᷊amatta; tadea'u walahannu Israel onggol᷊annu tempo mawal᷊u wuassu manga rosane wuṛṛu ampunganna.

WATTI'U MANGA RASUL 3:15

Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde.

MARKUS 13:14

“I yamiu sarun maasilo ‘Al᷊al᷊eo apan maahohakka’ uarisikka su tampa apan isassingadda si tou. (Iapasingkatta su mabawasa: Ṛingira'e apa atappasanne!) Su tempo udde taumata apan uatana'a su Yudea ṛinone tumal᷊angnga watukku wuidda.

MATIUS 24:15

“I yamiu sarun maasilo ‘Al᷊al᷊eo apan maahohakka’, ere suete niapasingkatti Nabi Daniel, uarisikka su tampa susi. (Iapasingkatta su mabbawasa: Ṛingira'a apa atappasanne!)

DANIEL 8:11

Ewe'e lai i tou mannal᷊u'atta panglima tantaran surga, napaaddon sasamba ia'onggolla miallo-miallo apan ia'onggolla su panglima udde, wuṛṛu napaaṛṛan wal᷊en patataṛṛamawuanna si tou.

DARALO 71:10

ana waugu manga see'u maggahatto'u, manga taumata apan maapulu mamate si ya'u naammule.

EZRA 7:8

I mangitou nanantangu Babel su allo paarorone wul᷊anna paarorone wuṛṛu su tul᷊ungannu Ruata, i mangitou na'omate su Yerusalem su allo paarorone wul᷊anna al᷊imane.

EZRA 7:1

Manga pira tonna wua'udde, sutempo Artahsasta uaparenta naola'a ratun Persia, pia sangkatou esakka aranne Ezra, wuassu papapulunni Imam Mawantuga Harun. Akkittu pallaṛṛitene wua bowa ire'e eteudde ere manansunna indi: i Ezra i Seraya i Azarya i Hilkia

2 SAMUEL 15:25

Ana see ratu nabbisarate si Zadok, “Welenga'e Wantallu Pa'aire udde watukku soa. Amungkangu Mawu ta'e lai ma'apulu'u, i ya'u sarun iwalan Tou mabelengnga wuṛṛu ma'ellega Wantallu Pa'aire udde apia wuṛṛu pangangaddoanne.

EFESUS 5:16

Paahuna'a mapia-pia tempo apan tatahuanannu, ana waugu tempo indi tempo apan lal᷊eo.

WATTI'U MANGA RASUL 8:30

Ne i Filipus inaite nangundanin Kereta udde see i tou naaringikka taumata udde mabbasan Wuken Yesaya. I Filipus naiwal᷊o si tou, “Tuangnga ma'asunna apa apan iwabbasan Tuangnga udde?”

MATIUS 13:23

Wuṛṛu wualanna apan nanawo su leta'a masuwukka, isassumandingnga su taumata apan maddaringikka watti'a udde wuṛṛu maasunna. I mangitou nabbua manambo, piaddu maṛṛasutta, piaddu anummu pul᷊o wuṛṛu pia lai wuane paatallum pul᷊o anambone.”

NEHEMIA 4:2

Su saruannu manga hawene wuṛṛu tantaran Samaria, i tou nabbisara, “Apa apan tantal᷊anna mammanarannu taumatan Yahudi silaka apan tawe maal᷊ore udde? Apa i mangitou mappulu mapararisikku soa indi apia? Sunnan mangitou manara udde wotongnge masue sulal᷊ummu allo massallo, tumba'u ringannu mangngonggollu sasamba? Apa ombon sapadda apan nepodde udde wotongnge olaanni mangitou manga watun darandungnga?”

MANNANASE 3:3

tempo ipamate wuṛṛu tempo ipangapia, tempo ipanggohakka wuṛṛu tempo ipa'ola'a.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”