DANIEL 9:21 - WUKE SUSI WATTI'U AL᷊AL᷊USASSA

²¹ Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

DANIEL 9:21 Referans Kwoze

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

DANIEL 8:16

I ya'u naaringikka tingikka apan nabbisara su samba'an Sal᷊ukku Ulai, wisarane, “Gabriel, tal᷊aa'e si tou sondamme udde.”

DANIEL 10:16

Wua'udde mala'ekatta apan ere lihiddu taumata udde nangul᷊ukku limane wuṛṛu nangeṛeṛetta wiwi'u. I ya'u nabbisara si tou, “Tuangku, sondappa indi naaola'a si ya'u aroddi asahadde na'oman sara i ya'u tate maal᷊ore saran kadio'a.

1 MARARATU 18:36

Sutempo nia'omante tempone mangonggollu sasamban bawallo, i Nabi Elia nangundanin mezbah udde ana see niumal᷊iomanna, “Oh Mawu, Ruata apan sassubbanni Abraham, i Ishak wuṛṛu i Yakub, papal᷊iatta'e orassa indi manungku Ete I'o Ruata su Israel, wuṛṛu i ya'u allang-Ngu. Pal᷊iatta'a'e lai manungku al᷊awo'a apan ta'u niola'a indi udde wuassu parenta-Nu.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

WATTI'U MANGA RASUL 10:3

Su sambau allo iraṛṛangngo puulla tatallu allattune i tou naasilo ringannu masemakka sulal᷊ummu sondappa, sangkatou mala'ekattu Mawu nirumanta wuṛṛu namaggo si tou, “Kornelius!”

DANIEL 10:18

Ne paassa lai i tou nangeṛetta si ya'u, ana see i ya'u naapendamma ikka'u niatambanna.

DANIEL 8:18

Tantal᷊anna i tou mabbisara, ia'unawantingnga. Arawe i tou nangagassa si ya'u wuṛṛu nantulungku dirumarisikka apia. Wua'udde i tou nabbisara,

YESAYA 6:2

Uapal᷊iwutta si Tou uarisikka manga riaddianna apan lukkenggamma ere putungnga, sambau-sambau pia papaidde annumma. Papaidde darua ual᷊indumma hatine, darua uataappa waddangnge, wuṛṛu darua lai ipappaatta tuttalla'a.

DARALO 103:20

Paddalote Mawu, ei manga mala'ekan-Ne apan matohassa, apan sidutu uararingikka wuṛṛu tuttuṛṛutta parenta-Ne.

SASABANGNGA 29:39

Sambau maola'a sasamba maru'allo, wuṛṛu waine maola'a sasamba wawallo.

IBRANI 1:7

Su ola'u manga mala'ekatta udde, Ruata nabbisara arendi, “Ruata nandiaddi manga mala'ekan-Ne nabbal᷊i anginna, wuṛṛu manga allang-Nge nabbal᷊i ṛenggamu putungnga.”

WATTI'U MANGA RASUL 12:7

Inaṛṛombanganne mala'ekattu Mawu uarisikka isudde wuṛṛu sambau semakka natuakka sulal᷊ummu wabo'an tuttupanna udde. Mala'ekatta udde nangio'i Petrus na'oman sara i tou napu'o. See mala'ekatta udde nabbisara, “Ei paasaṛṛawutte mapu'o!” Orassa udde lai ṛate atta'a nawu'a wuassu limam Petrus.

WATTI'U MANGA RASUL 10:9

Tiṛṛabbine, tantal᷊anna i mangitou sulal᷊ummu amatanne wuṛṛu maraniten Yope, i Petrus nirumanganna su pangketta ana umal᷊iomanna.

WATTI'U MANGA RASUL 3:1

Su sambau allo i Petrus wuṛṛu i Yohanes inai su Wal᷊e Mawu su puulla tatallu wawallo, eteudde orassa umal᷊iomanna.

MATIUS 27:46

Puulla tatallu wawallo, Mawu Yesus nangintul᷊i ringannu tingikka ma'ikkatta, “Eli, Eli, lama sabakhtani?” atappasanne, “Oh Ruata, Oh Ruata-U, anio I'o nanantang-Ku?”

DANIEL 10:10

Wua'udde pia ta'iakka nangeṛṛetta si ya'u wuṛṛu i ya'u napabbangunna iapiddu sasengannu ta'iakka wuṛṛu wantiṛṛangku.

YEHEZKIEL 1:14

Manga riadianna udde sassane u'al᷊ore inawarendi ere al᷊ihakku sawallo.

YEHEZKIEL 1:11

Sampare papaidda wuassu riadianna udde niapati'akka ire'e na'oman sara nangindinga pentakku manga papaiddu riaddianna su sandiṛṛanne, wuṛṛu papaidde sampare lai lal᷊appuanna uataappa wadangnge.

DARALO 104:4

Anginna niolang-Ngu daroloṛṛan-Nu, wuṛṛu sawallo mangangimbe-Nu.

LUKAS 1:26

Napawe i Elisabet piate illoṛṛo annumpe wul᷊anna, Ruata nandolokku mala'ekattu Gabriel inai su Nazaret, sambau soa su leta'u Galilea.

SONDAPPA 9:17

Wuṛṛu sulal᷊ummu aellega, i ya'u naasilo manga awal᷊o udde wuṛṛu manga sumasa'ene. Manga sumasa'ene ual᷊uṛṛen laubba atta'a maṛṛamu lukkenggama, ma'elomma naal᷊ihidda watu nilam, wuṛṛu maririkka naal᷊ihidda belerangnga. Pua manga awal᷊o udde naal᷊ihidda puan singa, wuṛṛu wuassu moṛṛonge sussabbanga putungnga, timbula, wuṛṛu belerangnga.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

YEHEZKIEL 14:14

Salaiwe i Nuh, i Danel wuṛṛu i Ayub uatana'a su tampa udde, ne apapia mangitou tallu tumba'u wotongnge mapanal᷊amatta niawa mangitou sassane. I Ya'u, Mawu Apan Atanggaṛṛanne buatte nabbisara.

1 MARARATU 18:29

Etearoddi i mangitou tawe maddo na'oman sara wawallo ere taumata niintaṛṛoannu ṛimuudda. Arawe taweddu sinumimbakka, wuṛṛu taweddu maddaringikka.