DANIEL 7:4 - WUKE SUSI WATTI'U AL᷊AL᷊USASSA

⁴ Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.

DANIEL 7:4 Referans Kwoze

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

MATIUS 24:28

Suapa pia winatangnga nate, isudde lai pia manu'a u'inassa winal᷊unannu winatangnga nate udde.”

DANIEL 4:36

Sutempo ringirangku nawelengnga apia si ya'u, ne ahahewalla, awawantuga wuṛṛu atatelengngu araratuangku niapawelengnga apia si ya'u. I ya'u nisal᷊ohoannu mamanara'u wuṛṛu manga tembonannu araratuangku, wuṛṛu i ya'u niwelengnga apia su araratuangku, ewe'e lai awawantu'u nabbal᷊i maggewal᷊anna wuasu paarorone.

YEHEZKIEL 28:9

Ne, napawe nia'omante tempone udde, ta'e wotongngewe i'o mabbisara manungku i'o Ruata? Su saruannu manga mamamatenu, nasemakke manungku i'o tumba'u taumata wiasa.

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

YEREMIA 48:40

Mawu nabbisara, “Naal᷊ihidda manu'a asiaṛṛe mangngametta papaidda uasiappakka, aroddi lai sambau araratuanna sarun dumanta wuṛṛu mangametta Moab.

YEREMIA 25:38

Naal᷊ihidda singa sinumabbangnga wuassu loṛṛangnge, aroddi lai Mawu sumabbangnga makkuumannu uman-Ne. Araṛṛagissu pangalo wuṛṛu asasa'u Mawu buatte namal᷊u wanua indi naola'a wadda'u anne.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

DARALO 9:20

Darisikke, Mawu, paṛṛuungken manga walahanna, arie pabbala'a taumata mammungan batanganne.

AYUB 25:6

Nangilembote lai taumata, i ul᷊idda, i serangnga! Su matan Duata, i tou mangke tawe aregane.”

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

SONDAPPA 13:2

Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.

DANIEL 7:5

Winatangnga aruane lihidde ere beruangnga. I tou uarisikka su ledda ne su liudde, wuṛṛu uaapiddu tallun paddi duṛṛin rusu'a suwallattu manga isine. I ya'u naaringikka tingikka nabbisara si tou, “Otte, inasse ṛemessa anambone suapawe ipaapulunu!”

YEREMIA 49:19

Naal᷊ihidda singa sinumabbangnga wuassu mahurangnge maranin Sal᷊ukku Yordan wuṛṛu nirumanta su wadda'a tampa domba u'anna nannal᷊o, aroddi lai Ya'u sarun dumanta wuṛṛu mapatal᷊angngu taumatan Edom wuassu wanua mangitou ringannu mamaroro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai wotongnge isul᷊unga si Ya'u? Isai waṛṛani ma'ola'a hatto ringang-Ku? Apa pia piaṛṛa'a apan botongnge lumawangnga si Ya'u?

DANIEL 2:38

Tuangku noilang-Nge uataṛṛino su wageangngu runia apan pia tumanangnge wuṛṛu su al᷊awo'u manu'u winalanganna wuṛṛu winatangnga waine. Tuangku sassane uddewe pua wul᷊awanna wuassu paal᷊uanna udde.

DANIEL 7:12

Manga winatangnga apan waine buatte nisawutta taṛṛinone, arawe i mangitou niwala mabbiakka maddatingngu tempo apan buatte nitantunna.