DANIEL 7:10 - WUKE SUSI WATTI'U AL᷊AL᷊USASSA

¹⁰ wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

DANIEL 7:10 Referans Kwoze

YESAYA 30:27

Taṛṛino wuṛṛu awawantugu Mawu aasiloanna ro'en ta'e mara'u. Putungnga wuṛṛu timbulla mapal᷊iatta'u assasa'u-Ne. I Tou uahahatto mangitou, wuṛṛu manga wisara-Ne mannoṛṛobba ere putungnga.

TAHIUL᷊E 33:2

“Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

SONDAPPA 5:11

Wua'udde i ya'u naasilo lai. I ya'u naaringikka tingikku mala'ekatta su ṛiwune wuṛṛu su jutane anambone. I mangitou uarisikka uapal᷊iwutta adderan araratuanna wuṛṛu sire appata riadianna see manga piaṛṛange udde,

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

DARALO 68:17

Anio wuassu puiddu apan manambo udde i'o ma'ellega ringannu aal᷊uandaga su Wuiddu Sion apan nipilen Duata maola'a tatanaan-Ne? Mawu sarun matana'a poiaroddi saran mal᷊annu-l᷊annu.

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

DANIEL 7:22

Wua'udde i Tou apan mabbiakka saran mal᷊annu-l᷊annu udde nirumanta see nangongollu inappuanne apan napaaṛṛinon umattu Ruata Apan Atanggaṛṛanne. Tempone nia'omante i mangitou manengkamma taṛṛino ipamarenta.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

DANIEL 7:26

Ana see mallaṛṛuungngu surga sarun maammulla wuṛṛu manawutta taṛṛinone see makkimunsa'a su si tou ma'oman sara masue.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

SONDAPPA 11:18

Manga taumata apan tawe maaillal᷊a Mawu, mammangalo ana waugu temponete I'o mapaasabangu asasa'u-Nu, wuṛṛu temponete lai I'o mamarikissa manga taumata nate. Ete indi tempone ipangonggolu lal᷊antake su manga allang-Ngu, manga nabi, wuṛṛu su anambon pabbawala-Gu, eteudde anambon taumata apan mattaṛṛamawu Si'o, timmade ara'e dario'a Ete indi tempone ipaṛṛimunsa'a manga taumata apan naṛṛimunsa'a runia!”

2 TAWARIKH 18:18

Mikha nabbisara apia, “Orassa indi paddaringikke wisaran Mawu! I ya'u naasilo Mawu ua'ianna su adderan araratuan-Ne su surga, wuṛṛu anambon mala'ekatta uarisikka marani-Ne.

DARALO 18:8

Ana see runia niumio'a wuṛṛu tinumaraddala, manga wantan bowone niumio'a wuṛṛu mangngindo ana waugu asasa'un Duata.

DANIEL 12:1

Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

AYUB 25:3

Wotongngewe iareengnga mala'ekatta apan mangngimbe si Tou? Apa pia tampa apan tawe aṛṛinoannu asasemak-Ke?

DARALO 103:21

Paddalote Mawu, ei al᷊awo'u riadianna su surga, anambon manga allang-Nge apan mappaamattu apulu-Ne.