DANIEL 6:4 - WUKE SUSI WATTI'U AL᷊AL᷊USASSA

⁴ Tawe nal᷊annu inauranna manaran Daniel lembon mappianne wuassu manaran manga gubernure wuṛṛu manga mandariaga waine. Ana waugu udde, ratu mappalu manenegi Daniel moala'a tembonanne su ahewallu araratuanna.

DANIEL 6:4 Referans Kwoze

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

TITUS 2:8

Pappaatten manga wisara mapia, apan tawe iapaasal᷊an taumata, tadea'u manga seennu masili ana waugu tawe inolaanna lal᷊eo apan wotongnge iwatti'i mangitou su ola'i ite.

MATIUS 27:18

I Pilatus nabbisara aroddi ana waugu i tou masingkatta manungku manga tembonannu Yahudi nanantillu Mawu Yesus si tou ana waugu i mangitou tawe mal᷊uassa si tou.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

AMSAL 29:27

Taumata mapia tawe mal᷊uassa ringannu taumata lal᷊eo; taumata lal᷊eo maddantinnu taumata mapia.

MAL᷊AṚṚUUNGNGA 14:4

Hagurangngi Simson wagga manungku eteudde Mawu apan nagal᷊oren Simson ma'ola'a inolanna udde. Ana waugu Mawu, maddea'a lal᷊anne mamangalo taumatan Filistin. Su tempo udde taumatan Filistin uaparenta taumatan Israel.

PANDARIADDI 43:18

Su tempo i mangitou niapidda sulal᷊ummu walen i Yusuf, i mangitou matta'utta wuṛṛu maṛṛingidda, “I ite niapidda isindi, ana waugu roitta apan niasombanganni ite sulal᷊ummu karongngi ite su tempo i ite nirumanta isindi dorone. I mangitou sarun manametta si ite awagananna, ana see manganu keledai kite wuṛṛu i ite olaanna allangngi mangitou.”

2 KORINTUS 11:12

Apa apan a'olaangku orassa indi sidutu mammanarangku tadea'u “manga rasul” apan waine udde tawe pangiananne mapamarabungan watanganne wuṛṛu mabbisara manungku i mangitou mammanara ere lai yami.

YOHANES 19:4

Wua'udde i Pilatus sinumabangnga apia wuṛṛu nabbisara su taumata nambo udde, “Pa'ellega! I Ya'u mangapiddi Tou su liudde ringanni yamiu, tadea'u i yamiu maasingkatta manungku i ya'u tawe naasomba pasasal᷊a saran sambau si Tou.”

LUKAS 22:2

Manga imam tembonanne wuṛṛu manga hurun agama tantal᷊anna maddea'a lal᷊anne mamate Mawu Yesus ringannu mal᷊anna-l᷊annaba, ana waugu i mangitou matta'uttu taumata nambo.

MATIUS 26:4

I mangitou ma'ire manametta Mawu Yesus ringannu mal᷊anna-l᷊annaba, wuṛṛu mamate si Tou.

DANIEL 3:8

Manga pira taumatan Babel nappaattu tempone udde ipanilaka taumatan Yahudi.

YEREMIA 18:23

Arawe I'o, Mawu, masingkattu sarangkanambone apan ihagol᷊agi mangitou ipanginsue niawa'u. Ana waugu udde, arie mangampungnga si mangitou; arie pamappassa pasasal᷊a mangitou. Puulle i mangitou ma'oman sara manawo. Pandonate si mangitou sulal᷊ummu asasa'u-Nu.”

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

1 SAMUEL 22:14

Ana see i Ahimelekh sinumimbakka, “Arawe wal᷊inewe i Daud tembonannu tantaran Tuangnga apan atuṛṛutanne? Ete i tou mananambon Tuangnga, wuṛṛu lembon a'addatannu anambon taumata sulal᷊ummu wal᷊en araratuanni Tuangnga.

1 SAMUEL 18:14

I tou mammanara ringannu mapia, ana waugu Mawu mantul᷊ungngi tou.

LUKAS 20:26

Nasemakke su saruannu taumata nambo udde, i mangitou tawe naasomba saran sambau pasasal᷊a Mawu Yesus. I mangitou tumba'u mal᷊annabba wuṛṛu naherangngu sasimbakke udde.

YEREMIA 29:7

Pammanarate hunan lal᷊umanna'u manga soa su tampa i yamiu Ta'u niwuanga. Aal᷊iomante si Ya'u su hausannu manga soa udde, ana waugu amungkangngu manga soa udde su lal᷊ummanna'a, i yamiu lai su lal᷊umanna'a.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

1 SAMUEL 12:4

Manga taumata udde sinumimbakka, “Tawe, taambe saran paassa i Papa nanganu saranapan taumata.”

DANIEL 5:12

I tou tumaniten pande wuṛṛu masingkatta see pande sulal᷊ummu mannal᷊a'an wal᷊iawa, mamasingkattu addappingnga wuṛṛu mani'attu aiwal᷊o apan masahadda. Arenne i Daniel, arawe ratu nanagone Beltsazar. Waggoite i tou. I tou sarun mamasingkatta si Tuangku apa atappasannu woṛṛetta indi.”