DANIEL 6:20 - WUKE SUSI WATTI'U AL᷊AL᷊USASSA

²⁰ Sutempo wawallo ratu napu'ote wuṛṛu inaite ringannu nasasaṛṛawutta watukku liangngu singa.

DANIEL 6:20 Referans Kwoze

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

1 TAWARIKH 16:11

Paddorongke atatohassa wuassi Tou, wuṛṛu sidutu passubbate si Tou.

DANIEL 6:16

Wua'udde manga taumata udde nabbelengnga apa sinumaṛṛuanna ratu wuṛṛu nabbisara, “Tuangku, rinone Tuangku mannaungnga manungku tumuṛṛuttu atoranna su Media wuṛṛu Persia, parenta apan niapasabbangngu ratu tate wotongnge iawal᷊u.”

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

2 KORINTUS 1:10

Ete i Tou apan suete nanal᷊amatta si yami wuassu silaka wuṛṛu papate apan wahewa udde. Wuṛṛu ete i Tou sarun manal᷊amatta si yamiu su allo sal᷊immurine, ana waugu ete si Tou i yami mangngantimma.

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

LUKAS 1:37

Ana waugu su Ruata tawedu sambau apan tawe maola'a.”

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

DARALO 73:23

Arawe i ya'u sidutu su saruan-Nu, I'o uaagassa lima'u aikkatanna.

REENGANNA 11:23

Mawu sinumimbakka, “Apa taṛṛino-U pia patta'al᷊anne? I'o sarun mal᷊ihakka maasilo sarangkanambone apan Ta'u niwisara udde atonna mariaddi ara'e tawe!”

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

WATTI'U MANGA RASUL 6:4

ana waugu i yami inai umal᷊iomanna wuṛṛu mabatti'u wisaran Ruata.”

DARALO 146:2

I ya'u maapulu maddalo Mawu su al᷊o'engngu pabbiaṛṛangku wuṛṛu mangantari su Ruata'u tantal᷊anna i ya'u ta'e wiakka.

DARALO 119:112

I ya'u mappandumma tumuṛṛutta raṛṛawen-Nu maddatingngu panginsueannu pabbiaṛṛangku.

DANIEL 6:19

Wua'udde napul᷊ete ratu watukku wal᷊en araratuanna. I tou maddiri umanna ara'e lai limbatanna. Wuṛṛu suapan ṛabi udde i tou tawe maatiilla.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!