DANIEL 4:34 - WUKE SUSI WATTI'U AL᷊AL᷊USASSA

³⁴ Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

DANIEL 4:34 Referans Kwoze

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

DANIEL 12:7

Taumata waine udde namatte na ta'iakke ruan ba'a watukku langitta. I ya'u naaringikka i tou nassalu ringannu arannu Ruata apan awasa wuṛṛu nabbisara, “Manga arariadianna udde umamatta al᷊annune tatallu setenga su tonnane. Napawe pandal᷊al᷊eo su saruannu umattu Ruata nasuete, ne masuete lai manga arariadianna apan maatiangnga udde.”

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

LUKAS 1:33

Wuṛṛu i Tou sarun mamarenta ere sangkatou ratu wuassu papapulunni Yakub saran mal᷊annu-l᷊annu. Araratuan-Ne tawe panginsueanne.”

DANIEL 5:21

I tou nilimbuaṛṛanna wuassu ammul᷊annu tumana'u soa wuṛṛu ṛingiranne naola'a ere ṛingirannu winatangnga. I tou mabbiakka ringannu keledain ahuranganna, u'anna nannal᷊o ere sapi wuṛṛu mattiilla su wadda'a na'oman sara maṛṛolo angngukka. Panginsueanne i tou nanga'u manungku Ruata Apan Atanggaṛṛanne uataṛṛino araratuannu taumata wuṛṛu araratuanna udde nionggollu Mawu sisai-sai apan nipile-Ne.

DANIEL 4:26

Manga mala'ekatta namarenta tadea'u tuiddu alu udde iwala matantangnga sulal᷊ummu leta'a. Udde atappasanne manungku sarun maola'a ratu apia napawe Tuangku buatte nanga'u manungku Ruata uataṛṛino ahewallu runia.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

DANIEL 4:3

Tumaniten bahewalla atatiangnga apan niolang-Nge! Tumaniten bahewalla al᷊aṛṛindu'a apan niolang-Nge! Ruata sarun maola'a ratu sarangkal᷊o'engnge. I Tou uataṛṛino su al᷊o'engngu tempo.”

LAL᷊ALLU 3:38

Apapia wuṛṛu al᷊al᷊eo niapaamatta tumba'u su parentan Mawu.

YESAYA 24:15

wuṛṛu taumata su samba'a ra'i maddalo si Tou. Tumana'u winggin sahatta sarun maddalo Mawu, Ruatan Israel.

DARALO 146:10

Mawu uddewe Ratu saran mal᷊annu-l᷊annu. Ei Sion, Ruatanu uataṛṛino al᷊annune su al᷊awo'u tempo. Paddalote Mawu!

DARALO 123:1

Aantarin patatembo. I ya'u maningngara Si'o oh Mawu apan uaparenta su surga.

DARALO 121:1

Aantarin patatembo. I ya'u ma'ellega watukku manga wowone, wuassuapa darantane aontola si ya'u?

DARALO 107:31

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

DARALO 102:24

Mawu namaddi atatoha'u sutempo i ya'u ta'e dario'a, wuṛṛu uukka si ya'u niautta.

DARALO 92:1

Aantarin Allon Sabat.

DARALO 10:16

Mawu uaparenta saran mal᷊annu-l᷊annu; manga walahanna apan tawe maaillal᷊a si Tou sarun mawul᷊i wuassu letang-Nge.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

YOHANES 5:26

Ere lai Iamangnga sassane punnu wiakka, i Tou na'ola'a Anang-Nge lai punnu wiakka.

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

DARALO 107:22

Wala'e i mangitou maadiangkamanna ringannu uaapiddu sasamba, wuṛṛu mabbatti'u inolaan-Ne ringannu manga aantarin lal᷊uassa.

DARALO 107:15

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

DARALO 107:8

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

DARALO 50:14

Onggola'e sasamba adiangkamanna su Ruata, panipusse paairenu si Tou Apan Atanggaṛṛanne.

DARALO 9:2

Ringannu ahewallu naunga i ya'u maadiangkamanna Si'o, Mawu, wuṛṛu mamasingkattu manara-Nu apan maatiangnga.

DARALO 7:17

Nariaddi i tou niṛṛuumannu inolaane sassane, wuṛṛu nisansarannu aatikku naungnge sassane.

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

SONDAPPA 10:6

I tou nassalu ringannu arannu Ruata apan wiakka saran mal᷊annu l᷊annu, apan nandiaddi langitta wuṛṛu runia wuṛṛu tahal᷊oangnga see lai manga al᷊awo'a apan mabbiakka sulal᷊umme. Mala'ekatta udde nabbisara, “Tempone tate lai iasoṛṛota!

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

DANIEL 4:36

Sutempo ringirangku nawelengnga apia si ya'u, ne ahahewalla, awawantuga wuṛṛu atatelengngu araratuangku niapawelengnga apia si ya'u. I ya'u nisal᷊ohoannu mamanara'u wuṛṛu manga tembonannu araratuangku, wuṛṛu i ya'u niwelengnga apia su araratuangku, ewe'e lai awawantu'u nabbal᷊i maggewal᷊anna wuasu paarorone.

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

YUNUS 1:14

Ana waugu udde i mangitou sinumal᷊ande su Mawu, “Oh Mawu, i yami sumal᷊ande, ariewe i yami mate ana waugu nanganu niawan taumata apan tawe na'ola'a pasasal᷊a su saruanni yami. Oh Mawu, I'o buatte na'ola'a apa apan ipaapulu-Nu.”

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

2 SAMUEL 22:31

Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

1 TAWARIKH 29:13

Orassa indi, oh Ruatan kami, yami ma'adiangkamanna Si'o, wuṛṛu yami maddalo aran-Nu apan mawantuga.

DARALO 66:7

I Tou uaparenta ringannu matohassa saran mal᷊annu-l᷊annu. Manga walahanna rariagan-Ne, tadea'u mamangalo tawe mapamunga su saruan-Ne.

DARALO 111:7

Mawu matul᷊idda wuṛṛu mapia sulal᷊ummu al᷊awo'u manara-Ne, al᷊awo'u parenta-Ne wotongnge ipangasakka.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

DANIEL 9:14

I'o, oh Mawu Ruatan kami, buatte nakkuumanni yami ringannu asasilaka apan buatte nisaddia-Nu; manara-Nu sidutu naṛṛino wuṛṛu matul᷊idda, arawe i yami tawe maddaringikka tingikku Mawu.