DANIEL 4:3 - WUKE SUSI WATTI'U AL᷊AL᷊USASSA

³ Tumaniten bahewalla atatiangnga apan niolang-Nge! Tumaniten bahewalla al᷊aṛṛindu'a apan niolang-Nge! Ruata sarun maola'a ratu sarangkal᷊o'engnge. I Tou uataṛṛino su al᷊o'engngu tempo.”

DANIEL 4:3 Referans Kwoze

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

IBRANI 1:8

Arawe su Ana'a udde, Ruata nabbisara, “Adderan araratuannu, oh Mawu, sarun ma'oman sara mal᷊annu-l᷊annu! Araratuannu udde araratuanna apan matul᷊ida.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

IBRANI 2:4

Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

DARALO 105:27

Su Mesir itarua na'ola'a manga al᷊aṛindu'a, manga inolaanna wahewalla wuassu Mawu,

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

YESAYA 28:29

Apapande udde darantane wuassu Mawu Apan Lembontaṛṛino. Anambon ṛiinnu Mawu masiṛṛongnga wuṛṛu sidutu mahessi.

YESAYA 9:7

Mawu buatte nangema'u ṛuumanna su araratuannu Israel.

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

DARALO 92:5

Ana waugu inolaan-Nu maal᷊uassa naungku, i ya'u mangngantari lulluassa ana waugu manara-Nu.

DARALO 86:10

Ana waugu I'o matohassa wuṛṛu ma'ola'a manga al᷊aṛindu'a, tumba'u I'o Ruata.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

DARALO 66:7

I Tou uaparenta ringannu matohassa saran mal᷊annu-l᷊annu. Manga walahanna rariagan-Ne, tadea'u mamangalo tawe mapamunga su saruan-Ne.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

DANIEL 2:2

Ana waugu udde aroddi i tou namaggo taṛṛa si'atta, taṛṛa ropa, taṛṛa pasangkadda wuṛṛu manga taumata pia asingkanne, tadea'u iapatal᷊a'an wal᷊iawane udde.