DANIEL 3:30 - WUKE SUSI WATTI'U AL᷊AL᷊USASSA

³⁰ Wua'udde ratu napasa'en pangkatti Sadrakh, Mesakh wuṛṛu Abednego, na'oman sara i mangitou naola'a manga mamanara apan atanggaṛṛanne su propinsin Babel.

DANIEL 3:30 Referans Kwoze

DANIEL 2:49

Arawe wuassu darorongngi Daniel, ratu nanantillu pamamarenta su propinsi Babel udde si Sadrakh, Mesakh wuṛṛu Abednego, tantal᷊anna Daniel sassane uatana'a su wal᷊en araratuannu ratu.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

DANIEL 3:12

Arawe manga pira taumatan Yahudi apan buatte nitantil᷊anni Tuangku parenta su propinsi Babel tawe naddaringikka parentan Tuangku udde. I mangitou eteudde Sadrakh, Mesakh wuṛṛu Abednego. Manga taumata udde maddiri massuba manga monganni Tuangku wuṛṛu maddiri lai massubba paal᷊uanna wul᷊awanna apan niapararisikki Tuangku.”

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

DANIEL 1:7

Tembonannu amonannu wal᷊en araratuana namal᷊u manga aranni mangitou nabbal᷊i: Beltsazar, Sadrakh, Mesakh wuṛṛu Abednego.

DANIEL 3:1

Su sambau tempo Ratu Nebukadnezar nallanginnu sambau paal᷊uanna wul᷊awanna apan atanggakke 27 metere wuṛṛu al᷊alakke maranin 3 metere. I tou napararisikku paal᷊uanna udde su wawal᷊annu Dura su propinsi Babel.