DANIEL 3:12 - WUKE SUSI WATTI'U AL᷊AL᷊USASSA

¹² Arawe manga pira taumatan Yahudi apan buatte nitantil᷊anni Tuangku parenta su propinsi Babel tawe naddaringikka parentan Tuangku udde. I mangitou eteudde Sadrakh, Mesakh wuṛṛu Abednego. Manga taumata udde maddiri massuba manga monganni Tuangku wuṛṛu maddiri lai massubba paal᷊uanna wul᷊awanna apan niapararisikki Tuangku.”

DANIEL 3:12 Referans Kwoze

DANIEL 6:13

i mangitou sarangkanambone inaite sinumaruanna ratu mangalaen Daniel. I mangitou nabbisara, “Wal᷊inewe Tuangku buatte nabbartanda suratta parenta apan manningaddu anambon taumata al᷊anannune tallun pul᷊o su allone indi mamasingkattu darorongnge suwallatu sambau monganna ara'e taumata tabbene'e si Tuangnga sassane? Wuṛṛu lai, mangungku isai-sai nilumawangnga parenta udde sarun itaṛṛo sulal᷊ummu liangngu singa?” Ratu sinumbimbakka, “Atonna, wuṛṛu parenta udde naola'a atoranna su Media wuṛṛu Persia apan tawe wotongnge ia'ule apia.”

DANIEL 2:49

Arawe wuassu darorongngi Daniel, ratu nanantillu pamamarenta su propinsi Babel udde si Sadrakh, Mesakh wuṛṛu Abednego, tantal᷊anna Daniel sassane uatana'a su wal᷊en araratuannu ratu.

WATTI'U MANGA RASUL 17:7

wuṛṛu Yason suete napaintal᷊a mangitou su wal᷊ene. I mangitou sarangkanambone nilumawangnga manga atorannu Kaisar Roma, ana waugu i mangitou mabbisara manungku pia lai ratu waine aranne Mawu Yesus.”

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

WATTI'U MANGA RASUL 5:28

I tou nabbisara, “I yami suete naningaddi yamiu tadea'u ariete pangaṛṛa'u arannu taumata udde. Arawe orassa indi pa'ellege apa inolaanni yamiu! I yamiu mannal᷊iawukku al᷊aṛṛa'i yamiu su ahewallu Yerusalem, wuṛṛu i yamiu mangngansilla manungku ete i yami nipandansilanannu papaten taumata udde.”

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

ESTER 3:8

Ana see Haman nabbisara ratu, “Tuangnga, pia sambau walahanna maatiangnga apan uasal᷊iawukka su al᷊awo'u propinsin araratuanna indi. Adattu inanaramanne uapapaṛṛala atonna ringannu manga walahanna waine. Tuangnga imbaṛṛangnga mamalan mangitou ma'ola'a walate apulun naungnge.

DANIEL 1:7

Tembonannu amonannu wal᷊en araratuana namal᷊u manga aranni mangitou nabbal᷊i: Beltsazar, Sadrakh, Mesakh wuṛṛu Abednego.

DANIEL 2:48

Wua'udde Daniel nionggol᷊annu aiananne apan matanggaka, wuṛṛu nilantaṛṛanne ringannu manambo aonggola apan mangkapia, wuṛṛu nitenega naola'a gubernure su Babel, see niolangnge piaṛṛa'a atanggaṛṛanne su anambon mananantiro su wal᷊en araratuanna.

DANIEL 3:11

wuṛṛu isai-sai apan tawe tinumuṛṛutta parenta udde sarun ituntungnga su pandu'u putungnga apan tantal᷊anna lukkenggamma.

DANIEL 3:16

Sadrakh, Mesakh wuṛṛu Abednego sinumimbakka, “Tuangnga apan mawantuga, i yami tawe maannamma manahekku watanganni yami.

DANIEL 3:29

Anna waugu udde i ya'u mamarenta manungku suapan taumata wuassu walahanna, ṛuangannu walahanna ara'e al᷊awo'u wahasa, apan nabbisaran asal᷊uandaga su surannu Ruata apan sassubbanni Sadrakh, Mesakh wuṛṛu Abednego, sarun tattaranna wuṛṛu wal᷊ene sarun iapaṛṛa'a wuṛṛu olaanna ombon sapadda. Ana waugu tawe monganna apan wotongnge maaola'a apan buatte niola'u Ruata udde.”

DANIEL 3:30

Wua'udde ratu napasa'en pangkatti Sadrakh, Mesakh wuṛṛu Abednego, na'oman sara i mangitou naola'a manga mamanara apan atanggaṛṛanne su propinsin Babel.

DANIEL 6:14

Ana see unni mangitou su ratu, “Daniel, sangkatou apan niwuangnga wuassu Yehuda, tawe naddaringikka si Tuangku wuṛṛu mangngaddio'a parentan Tuangku. I tou u'al᷊iomanna ringannu uaatokka paatallu allo massallo.”