DANIEL 2:5 - WUKE SUSI WATTI'U AL᷊AL᷊USASSA

⁵ Ratu sinumimbakka, “I ya'u buatte nanganu innappuanne indi: I yamiu ṛinone mamasingkattu wal᷊iawa udde si ya'u, aroddi lai atappasanne. Amungkangngu tawe, i yamiu sarun tattaranna wuṛṛu wal᷊enu sarun iapaṛṛa'a.

DANIEL 2:5 Referans Kwoze

DANIEL 3:29

Anna waugu udde i ya'u mamarenta manungku suapan taumata wuassu walahanna, ṛuangannu walahanna ara'e al᷊awo'u wahasa, apan nabbisaran asal᷊uandaga su surannu Ruata apan sassubbanni Sadrakh, Mesakh wuṛṛu Abednego, sarun tattaranna wuṛṛu wal᷊ene sarun iapaṛṛa'a wuṛṛu olaanna ombon sapadda. Ana waugu tawe monganna apan wotongnge maaola'a apan buatte niola'u Ruata udde.”

EZRA 6:11

I ya'u mamarenta tadea'u taumata apan nilumawangnga parenta indi wuassu wal᷊ene sawutanna sambau diṛṛi, takko'anna pentakke, ana see iusu'a su waddangngu taumata udde sara mallappassa. Wal᷊ene ṛinone ihohakka olaanna tampan sapadda.

2 MARARATU 10:27

Paal᷊uanna udde nihohakka susambau ringannu wal᷊ene, ana see tampa udde niola'a tampan lal᷊iasanna naddatingngu allo indi.

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

DANIEL 2:12

Naaringikka udde ratu nabal᷊i nasa'u atonna wuṛṛu nangonggollu parenta tadea'u iapapate anambon mapapande apan uatana'a su Babel.

DARALO 58:7

Oh Ruata, paddite manga isin mangitou, sawutte isin manga singa saṛṛen tumuwo udde, Mawu.

1 SAMUEL 15:33

Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.

TAHIUL᷊E 13:16

Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

DANIEL 4:9

“Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.