DANIEL 2:49 - WUKE SUSI WATTI'U AL᷊AL᷊USASSA

⁴⁹ Arawe wuassu darorongngi Daniel, ratu nanantillu pamamarenta su propinsi Babel udde si Sadrakh, Mesakh wuṛṛu Abednego, tantal᷊anna Daniel sassane uatana'a su wal᷊en araratuannu ratu.

DANIEL 2:49 Referans Kwoze

DANIEL 1:7

Tembonannu amonannu wal᷊en araratuana namal᷊u manga aranni mangitou nabbal᷊i: Beltsazar, Sadrakh, Mesakh wuṛṛu Abednego.

ESTER 2:19

Tantal᷊anna udde Mordekhai buatte nitenegu ratu naola'a mamanaran araratuanna.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

ESTER 2:21

Su allo sambau, sutempo Mordekhai tantal᷊anna mammanara su wal᷊en araratuanna, ruan katou mamanaran ratu apan apianne, eteudde Bigtan wuṛṛu Teres, nabbaidda mappandumma mamate si Ratu Ahasyweros, ana waugu itarua lembon maddantinni tou.

DANIEL 2:17

Darorongnge niraringiṛṛanna, wua'udde i Daniel napul᷊ete watukku wal᷊en wuṛṛu namasingkattu anambon arariadianna udde si Hananya, Misael wuṛṛu Azarya.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

YEREMIA 39:3

wuṛṛu Yerusalem niaṛṛo. Ne anambon tembonannu araratuannu Babel nirumanta wuṛṛu inaite niuma'ianna su Ngara Pasallangannu Tangngane. Suwallatti mangitou isudde lai Nergal Sarezer, i Samgar Nebo, i Sarsekim tembonannu amonannu araratuanna, i Nergal Sarezer Rabmag wuṛṛu manga perwira waine.

AMSAL 28:12

Amungkangngu taumata mapia uaparenta, anambon taumata mal᷊uassa, amungkangngu taumata lal᷊eo uaparenta, tumana'u soa ma'imbuni.

ESTER 3:2

Ratu namarenta su anambon mamanarane tadea'u mangaddatta si Haman ringannu umal᷊intudda su saruanne. Sarangkanambone naddaringikka parenta udde, tabbene'e Mordekhai.

DANIEL 6:2

Darius nattahia araratuanne naola'a maṛṛasutta daruan pul᷊o propinsi apan sambau-sambau paparentannu sangkatou gubernure.

DANIEL 3:1

Su sambau tempo Ratu Nebukadnezar nallanginnu sambau paal᷊uanna wul᷊awanna apan atanggakke 27 metere wuṛṛu al᷊alakke maranin 3 metere. I tou napararisikku paal᷊uanna udde su wawal᷊annu Dura su propinsi Babel.