DANIEL 2:19 - WUKE SUSI WATTI'U AL᷊AL᷊USASSA

¹⁹ Su rabbi udde lai Ruata namasingkattu addapingnga udde si Daniel sulal᷊ummu sambau sondappa. Ne Daniel naddalotte Ruata su surga,

DANIEL 2:19 Referans Kwoze

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

AMOS 3:7

Mawu Apan Atanggaṛṛanne taambe saran paassa mapaamattu sambau manara ringannu tawe mamasingkattu ṛiin-Ne su manga nabi, manga allang-Nge.

DANIEL 7:7

Sutempo tantal᷊anna i ya'u ma'ellega si tou, winatangnga aiappanne nilumapputa. I tou tumaniten matohassa wuṛṛu wahewalla see maata'utta. Ringannu manga isine apan masallakka wuṛṛu wahewalla see maata'utta. Ringannu manga isine apan masallakka wuṛṛu ere aattiku atta'a, i tou nakkimunsa'a wuṛṛu niuminassa wiakke, ana see mangke naṛṛinda manga lambene. Uapapaṛṛalan ringannu manga winatangnga dorone i tou uatahuana tandu'a mapul᷊o.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

AYUB 4:13

Atatii'u nasal᷊awaanna wuṛṛu nassongkakka si tou, naal᷊ihidda niwal᷊iawanna lal᷊eo su ṛabbi wasa.

DANIEL 4:9

“Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

YOSUA 22:33

Ne taumatan Israel nilumuassu olangnge udde, na'oman sara i mangitou naddalote Mawu Ruata. I mangitou tate lai maggahatton pandumanni mangitou inai mamangalo taumatan Ruben wuṛṛu Gad, wuṛṛu maṛṛimunsa'a wanuane.

DANIEL 4:26

Manga mala'ekatta namarenta tadea'u tuiddu alu udde iwala matantangnga sulal᷊ummu leta'a. Udde atappasanne manungku sarun maola'a ratu apia napawe Tuangku buatte nanga'u manungku Ruata uataṛṛino ahewallu runia.