DANIEL 11:27 - WUKE SUSI WATTI'U AL᷊AL᷊USASSA

²⁷ Wua'udde darua ratu udde sarun uma'ianna su sambau medda wuṛṛu umanna suadio'a, arawe itarua pia pandumma lal᷊eo, wuṛṛu itarua mangke uawawahia. Arawe ṛiinni tarua tawe maola'a ana waugu tempone taambe nia'omanna.

DANIEL 11:27 Referans Kwoze

DARALO 12:2

Ontol᷊ewe i yami, oh Mawu, ana waugu tate lai taumata mapia, taumata apan matuṛutta Si'o nawul᷊ite.

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

DANIEL 11:35

Sambageanganna wuassu manga piaṛṛa'a apan pande udde sarun iapate, arawe udde tumba'u sambau sasal᷊ua'tta su taumata ma'oman sara i mangitou mabbali waresi. Olangnge udde sarun mariaddi maddatingngu pangudussannu tempo, eteudde tempo apan buatte nitantunnu Ruata.

DARALO 64:6

I mangitou sidutu uaagassa matohassa pandumanne apan lal᷊eo, wuṛṛu ma'ire mantaingngu sasedda; i mangitou massunna naudde taweddu maasilo.

DANIEL 11:40

Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.

DANIEL 8:19

“I ya'u sarun mamasingkatta si'o apa apan sarun mariaddi sal᷊immurine maola'a pangillul᷊eannu asasa'un Duata. Ana waugu sondapa udde mapal᷊iatta'u panguddusannu runia.

AMSAL 26:23

Naal᷊ihidda urinna leta'a nioosannu sal᷊a'a, aroddi lai taumata matemangnga su moṛṛongnge arawe naungnge lal᷊eo.

AMSAL 12:20

Taumata apan makkiinnu al᷊al᷊eo mappulun aal᷊iba'ukka; taumata apan mattinsahaddu apapia sarun mal᷊angnganna.

DARALO 58:2

Ei manga tembonanne, matul᷊iddawe laṛṛawennu? Matul᷊iddawe i yamiu sutempo makkungnga taumata?

DARALO 52:1

Su piaṛṛa'u mangangantari. Aantari al᷊aṛṛa'i Daud,

1 TESALONIKA 5:1

Manga tuṛṛangnga, i yami salaiwe lasa'e mamoṛṛettu suratta si yamiu angngerate tempone apan na'etta'a, manga olangnge udde sarun mariaddi.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

DANIEL 11:29

Manga pira tempo wua'udde i tou sarun mamangalo wanua timukka apia, arawe pangillul᷊eanne wal᷊ine waussu niola'a paarorone.

DANIEL 10:1

Su tonna atallune pammarentan Ratu Koresh su Persia, sambau tanata niapasingkatta si Daniel ara'e Beltsazar. Tanata udde atonna, arawe tumaniten masahadda passuṛṛanne. Sutempo mattinsahadda madde'a massunna Daniel nanengkamma tal᷊aane su ola'u atappasannu tanata udde sulal᷊ummu sambau sondappa.

YEHEZKIEL 17:9

Ne, i Ya'u, Mawu Apan Atanggaṛṛanne, naiwal᷊o: Wotonge punnu anggore udde mabbiakka wuṛṛu a'atambanna? Wal᷊inewe manu'a asiaṛṛe apan paarorone sarun mangabutta si tou ringannu manga ṛamunne, mani'o wuane, mamaddi manga rannane wuṛṛu mamalan tou tumolangnga? Tawe mappanduma ikkatta manambo ara'e walahanna apan matohassa ipangabutta aal᷊uanna udde sara manga ṛamunne.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

2 SAMUEL 13:26

Ana see i Absalom nabbisarate, “Amungkangu aroddi, wala'awe tuṛṛangku i Amnon suadio'a ringanni yami.” Ratu sinumimbakka, “Lasa'e patantalonga'a i tou.”

DANIEL 11:28

Wua'udde ratu na banua sawannakka sarun mapul᷊e watukku wanuane ringanu al᷊awo'u saranapa apan niaaṛṛo apan niasombanganne. I tou nassalu tadea'u makkimunsa'a agama apan pangngimanannu umattu Ruata. I tou sarun ma'ola'a sarangkanambone wua'udde mabbelengnga watukku wanuane sassane.

DANIEL 8:17

Wua'udde Gabriel apan uarisikka su saruangku udde nangundani'u. I ya'u nabbal᷊i aroddi ata'unne, na'oman sara i ya'u naṛṛa'a. Unni Gabriel si ya'u, “Ei taumata apan mattate, i'o rinone masingkatta manungku sondapa udde mammasingkatta su ola'u pangudusannu runia.”