DANIEL 10:14 - WUKE SUSI WATTI'U AL᷊AL᷊USASSA

¹⁴ I ya'u nirumanta tadea'u ma'ola'a si'o maasunna apa apan sal᷊immurine mariaddi su walahannu. Sondappa indi su ola'u allo addantane.”

DANIEL 10:14 Referans Kwoze

DANIEL 8:26

Sondappa su ola'u sasamban bawallo wuṛṛu marua allo apan buatte nital᷊a'a si'o udde, atonna-tonna sarun mariaddi. Arawe sarangkanambone udde sarun mariaddi sutempo addantane apan ta'e marau; nariaddi arie pabbattia'a su saran sangkatou taumata.”

DANIEL 2:28

Arawe su surga pia Duata apan manni'attu al᷊awo'u addapingnga, wuṛṛu i Tou buatte namasingkatta si Tuangku apa apan sarun mariaddi su allo addantane. Orassa indi, wotongngewe allangngu manal᷊a'an bal᷊iawa wuṛṛu sondappa apan niasiloanni Tuangku sutempo matiilla.

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

DANIEL 12:9

I tou sinumimbakka, “Roote orassa indi, Daniel, ana waugu manga wisara indi ṛinone iwuni wuṛṛu iaddapingnga maddatingngu panguddusannu tempo.

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

TAHIUL᷊E 4:30

Amungkangngu i yamiu aṛṛiaannu al᷊al᷊eo udde, wuṛṛu i yamiu udde lai sulal᷊ummu asasusa, ne i yamiu sarun mabelengnga ringannu Mawu Ruatanu wuṛṛu tuttuṛṛutta si Tou.

PANDARIADDI 49:1

Wua'udde i Yakub namago manga anangnge wuṛṛu nabbisara, “Paammule isindi, marani'u. I ya'u sarun mamasingkatta si yamiu apa sarun apendamanni yamiu su allon sal᷊immurine;

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

2 TIMOTIUS 3:1

Naunge'o indi: Su manga allo panginsueanne sarun pia asasusa manambo.

DANIEL 10:1

Su tonna atallune pammarentan Ratu Koresh su Persia, sambau tanata niapasingkatta si Daniel ara'e Beltsazar. Tanata udde atonna, arawe tumaniten masahadda passuṛṛanne. Sutempo mattinsahadda madde'a massunna Daniel nanengkamma tal᷊aane su ola'u atappasannu tanata udde sulal᷊ummu sambau sondappa.

DANIEL 9:22

Wua'udde Gabriel nanal᷊a'a arendi, “Daniel, i ya'u nirumanta tadea'u massumbala si'o massunna ramalanna udde.

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

YEHEZKIEL 12:27

“Ei taumata apan mattate, manga taumatan Israel mabbisara manungku sondappa wuṛṛu nubuannu udde wakkute mariaddi marau su allo addantane.

DANIEL 8:16

I ya'u naaringikka tingikka apan nabbisara su samba'an Sal᷊ukku Ulai, wisarane, “Gabriel, tal᷊aa'e si tou sondamme udde.”

REENGANNA 24:14

Unni Bileam si Balak, “Orassa indi ya'u inaite mapul᷊e ringannu walahangku. Arawe tantal᷊anna taambe inai, mapianne i ya'u mamasingkatta si Tuangku su ola'u apa apan sarun olaannu walahannu Israel su saruannu walahanni Tuangku su allo sal᷊immurine.”

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.