AYUB 8:22 - WUKE SUSI WATTI'U AL᷊AL᷊USASSA

²² Isai mandantinnu sarun masili wuṛṛu maaddio'a, wuṛṛu wal᷊en taumata lal᷊eo sarun ihohakka ma'oman sara maṛṛimunsa'a.”

AYUB 8:22 Referans Kwoze

DARALO 132:18

Araratuanne sarun sidutu su lal᷊umanna'a, arawe manga seenne sarun pansilianna.”

DARALO 109:29

Wala'e manga taumata apan mangngansilla si ya'u papal᷊iwutannu aal᷊uandaga, wuṛṛu asasili apan uapi'unna si mangitou ere jubah.

DARALO 35:26

Wala'e taumata apan naasilo asasusa'u mabbal᷊i ial᷊iwune wuṛṛu massili. Wala'e taumata apan mammungan batangane su saruangku lobbosanna wuṛṛu pansilianna.

AYUB 18:14

I tou niwangkassa wuassu rasanne, sutampa i tou amanna, ana see niwol᷊engnga iapasaruanna papate.

AYUB 8:18

Arawe, annama'o, abbutte akke udde orassa indi, ne ere ola'u i tou taambe tinumuwo isudde.

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

AYUB 4:21

Ne nawul᷊ite sarangkanambone apan tatahuananna; i tou lai mate ringannu tawe naasomba asingkatta.’

AYUB 8:15

Matohassawe sal᷊akka udde amungkangngu pangunsandaṛṛanna? Mataṛṛangngawe wananna udde anungakangngu olaanna pangunsandaṛṛanna?’

AYUB 9:1

Arawe i Ayub sinumimbakka, “Atonna, i ya'u masingkatta, manga wisaranu udde nassal᷊a. Arawe, tawe mariaddi taumata mapparkara luwanna Ruata wuṛṛu mamaddon Mawu?

AYUB 15:34

Taumata lal᷊eo sarun tawe maasomba paangawanne; masuete matutungnga wal᷊en apan niolangnge wuassu ul᷊en roittu aonggolla.

AYUB 21:28

Aiwal᷊onu, “Suapane wal᷊en tembonanne apan ma'ola'a inolaanna lal᷊eo?”

AYUB 36:6

Taumata apan marosa tawe niwala-Ne mabbiakka mal᷊annu, I Tou mangngonggollu atatul᷊idda su taumata apan uatataṛṛangnga.

YEHEZKIEL 7:27

Ratu sarun lumuai, parisin datu massusate wuṛṛu tumana'u soa mangngindon atata'utta. I Ya'u sarun makkuumanni yamiu uasul᷊ungngu al᷊awo'u inolaannu wuṛṛu makkuungngi yamiu ere lai i yamiu makkuungnga taumata waine. Ne i yamiu masingkatte manungku ete i Ya'u Mawu.”

YEHEZKIEL 26:16

Naasilo pal᷊addu pabbiaṛṛannu, manga ratu waussu manga walahanna su winggin sahatta sarun dumarisikka wuassu adderan araratuanna, malluatta juban araratuanna wuṛṛu laubbi mangitou apan pia sujine, see inuma'ianna mangngindo su leta'a. I mangitou lembon matta'utta na'oman sara tawe matammudda.

AMSAL 14:11

Wal᷊en taumata mapia sidutu matohassa; wal᷊en taumata lal᷊eo sarun maṛṛa'a.

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”