AYUB 7:16 - WUKE SUSI WATTI'U AL᷊AL᷊USASSA

¹⁶ I ya'u nasahadde wuṛṛu nawusate mabbiakka; i ya'u mappulute mate! Wala'e i ya'u, waugu wia'u tate aregane.

AYUB 7:16 Referans Kwoze

AYUB 10:1

I ya'u nawusate wuṛṛu nualle ringannu pabbiaṛṛangku, ne iwosote apapatten wia'u.

1 MARARATU 19:4

ana see niumamatta watukku wadda'a lol᷊okka al᷊annune allo massallo wuṛṛu nangillol᷊o su sambau punnu alu apan masindumunna. Isudde i tou inuma'ianna wuṛṛu pendamanna i tou mappul᷊ute nate. “I ya'u tate maataṛṛangnga lai, Mawu,” wisarane su Mawu. “Alape niawa'u. I ya'u tawe mapianne wuassu al᷊amona'u!”

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

DARALO 39:13

Daringiṛṛewe aal᷊iomangku oh Mawu, ellehewe darorongku; arie tumba'u mal᷊annaba napawe i ya'u lumuai. Ere iupungngu al᷊amona'u sarangkanambone, tumba'u tal᷊angkadio'a i ya'u uaintal᷊a ringan-Nu.

AYUB 14:6

Wala'e aroddi i tou mangillol᷊o, arie mallimbatta si tou; tadea'u i tou wotongnge maatemma pabbiaṛṛanne ma'oman sara masue manarane.

AYUB 10:20

Ah, tawe mal᷊annu lai i ya'u sarun mate, ne wala'ewe i ya'u sassane, tadea'u i ya'u wotongnge maapendamma tempo'u apan ta'e nallambe indi.

AYUB 9:21

I ya'u tawe nassal᷊a arawe i ya'u tawe pandumme. I ya'u nualle mabbiakka. Si ya'u tateddu lai pia gunane; iapa nassal᷊a wuṛṛu iapa naṛṛino mangke uasul᷊ungke nasimme: Ruata sarun mamate abbi sitarua.

AYUB 6:9

Antimanna Ruata maapulu makkimunsa'a si ya'u! Antimanna i Tou mamuulla wuṛṛu mamate si ya'u!

YUNUS 4:3

Orassa indi, oh Mawu, wala'ewe i ya'u mate, ana waugu mappianne i ya'u mate wuassu wiakka.”

DARALO 144:4

Tauamata udde naal᷊ihidda anginna paassa sumingangu, naal᷊ihidda lintau sumabbi, etearoddi ola'u wiakke.

DARALO 78:33

Ne Ruata nanginsue wiakki mangitou naal᷊ihidda sasangngo, manga tonna ipabbiakki mangitou nasue sulal᷊ummu atata'utta.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

DARALO 39:10

I ya'u mal᷊annaba tawe namu'a moṛṛongku, ana waugu ete I'o apan mamuulla si ya'u.

PANDARIADDI 27:46

Ne i Ribka nabbisarate si Ishak, “I ya'u maddantinna wuṛṛu nualle ma'ellega manga awingngi Esau wuassu walahanna waine udde. Amungkangngu i Yakub sarun maawingngu maṛṛualan Het, mappianne i ya'u mate.”

AYUB 7:7

Naungete, oh Mawu, wia'u tumba'u paassa sumangngo; lal᷊umanna'u nawul᷊i, tawe lannangnge.

AYUB 7:15

Na'oman sara mappianne i ya'u attonganna see mate wuassu mabbiakka sulal᷊ummu awa'a napenen asasusa indi.

DARALO 78:39

I Tou mannaungnga manungku i mangitou tumba'u riadianna apan wotongnge mate, naal᷊ihidda anginna apan sinumabbi wuṛṛu tate mabelengnga.

YEREMIA 8:3

Ne manga taumata apan ta'e wiakka wuassu walahanna apan dal᷊eo indi apan buatte Ta'u nisal᷊iawukka su al᷊awo'u tampa sarun mappulun mate wuassu mabbiakka. I Ya'u, Mawu Apan Lembontaṛṛino, buatte nabbisara.”

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

MANNANASE 2:17

Ana waugu udde pabbiaṛṛanna tate lai pangartianne si ya'u, wal᷊ine wua isudde tawe. Sarangkanambone tawe gunane; i ya'u tumba'u ere mangngenggenna anginna.