AYUB 6:21 - WUKE SUSI WATTI'U AL᷊AL᷊USASSA

²¹ Erete sal᷊ukka udde i yamiu, hawe'u; i'o sinumoṛṛotta wuṛṛu matta'utta ma'ellega asasusa'u.

AYUB 6:21 Referans Kwoze

DARALO 38:11

Pappuso'u sussinggawanga, ikka'u nawul᷊i, mata'u nabbal᷊ite mal᷊abbuka.

2 TIMOTIUS 4:16

Su tempo i ya'u paarorone sinumimbakka, tawe saran sangkatou apan uaringanna si ya'u; sarangkanambone nanantangku. Doronganna Ruata tawe mapaasal᷊an mangitou su olangnge indi!

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

MATIUS 26:31

See Mawu Yesus nabbisarate su mallal᷊aṛṛenggen-Ne, “Ṛabbi indi lai yamiu sarangkanambone tumal᷊angnga manantang-Ku; ana waugu sulal᷊ummu Wuke Susi uawoṛṛetta, Ruata nabbisara, ‘I Ya'u sarun mamate mallal᷊u'adda udde, wuṛṛu ammul᷊annu dombane sarun massal᷊iawukka.’

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

AMSAL 19:7

Taumata asiangnga aaddio'annu tuṛṛangnge, lembonete lai hawene. Salaiwe i tou mattinsahadda, i tou tawe maawohe si mangitou.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

AYUB 13:4

Ana waugu i yamiu mammunin awawoddon kamiu ringannu wawahia, tawe paṛṛalane ere manga tonaassa mammahia.

AYUB 6:15

Arawe i yamiu, ei manga hawe, tawe apangimananna wuṛṛu iawansaga. I yamiu naal᷊ihidda sal᷊ukka apan niasueannu ua'ene, napawe uranna tawe rumanta.

AYUB 6:22

Anio? Apa piaddu raddorongangku wuassi'o? Ara'e nandolokka mangonggollu roitta su taumata ana waugu hausangku?

AYUB 19:19

Maasilo si ya'u, hawe'u ate aaṛṛiongkomanna; i ya'u tinantangngi mangitou apan arangnguangku.